Կարգալույծ հոգևորականը հիմարացրե՞լ է փաշինյանամերձ մեդիային, նա պնդում է՝ վրիպակ է եղել

Երեկ Փաշինյանին սպասարկող մեդիան, այդ թվում նաեւ «Հայկական ժամանակ»-ն, իրար հերթ չտալով, նույն գրառումը բազմաթիվ վերնագրերով տեղադրում ու տարածում էին կարգալույծ արված հոգեւորականներից մեկի՝ Սարգիս Յազիչյանի (անցյալում Հայր Զավենի) ֆեյսբուքյան գրառումը։

Այս գրառմամբ Յազիչյանը «ֆաս» հրամանով գործ էր տալիս ոստիկաններին եւ իրավապահներին, թե՝ հասեք ինչ-որ անհայտ լրատվականի հրապարակման հիման վրա ձերբակալեք հոգեւորականներին՝ այն պարագայում, երբ սույնի առնչությամբ Մայր Աթոռը հանդես էր եկել հայտարարությամբ եւ հերքել էր տարածվող հերյուրանքը։

Այս ամենում զավեշտալին այն է, որ Յազիչյանը Քրեական օրենսգրքի հոդվածներ մեջբերելով՝ հոգեւորականներին ըստ անունների դատապարտման հստակ աղյուսակ էր կազմել, սակայն, վերջինիս մեջբերված հոդվածները Քրեական օրենսգրքում ընդհանրապես այլ բանի մասին էին։

Այսպես՝ կարգալույծ հոգեւորականը մեջբերում է ՀՀ ՔՕ 330 հոդվածը եւ նշում է, որ այն Պետական իշխանությունը բռնազավթելու կոչերի մասին է կամ՝ ՔՕ 331-ը Սահմանադրական կարգը տապալելու կոչերին է վերաբերում եւ այսպես մի ամբողջ հոդվածների տրցակ: Մինչդեռ ՀՀ Քրեական օրեսգրքում այս հոդվածնորը չեն առնչվում նշյալ մեղադրանքերի հետ: Ստացվում է, որ Յազիչյանի մեծ սուտը դարձել է Փաշինյանի մեդիայի հիմնական նյութ։

Նաեւ մենք մեր աղբյուրներով փորձեցինք պարզել, թե Փաշինյանի լրատվականների սպասարկուն ինչո՞վ է աչքի ընկել իր ծառայության ժամանակ կամ դրանից հետո, այդ ի՞նչ փայլուն, օրինակելի վարքագիծ ունեցող թեկնածու է պեղել օրինակ «Հայկական ժամանակ»-ը։

Մեր աղբյուրները պատմեցին, որ վերջինս լքել է իր ծառայության վայրը, մեկնել ԱՄՆ եւ այնտեղ զբաղվում է մարիխուաննայի գործով, ինչի համար էլ կարգալույծ է արվել։

Նաեւ մեր լավատեղյակ աղբյուրը պատմեց, որ նախկին հոգեւորականն իր ծառայության ընթացքում աչքի է ընկել ոչ մաքուր վարքագծով։ Չուզենալով արատավորել սույն անձին՝ առայժմ չենք մանրամասնի, թե այդ ինչ բարքեր է ունեցել սույն նախկին հոգևորականը տարբեր միջավայրերում՝ սկսած Մայր Աթոռի միաբանությունում։ Սակայն, այս ամենից պարզ է դառնում, որ խղճուկ վիճակում հայտնված իշխանական մեդիան անգամ փոքրիկ անալզիներ չի անում, թե ինչով է իրենց օգտակար նման տկարամիտ գրառումների տարածումը։

Ի դեպ, վերոնշյալ տեղեկությունների վերաբերյալ «Իրավունք»-ի խմբագրություն է դիմել նույն ինքը՝ Սարգիս Յազիչյանը: Նա վստահեցնում է՝ ակնհայտ սուտ եւ իրականությանը չհամապատասխանող տեղեկություններ են մեզ հայտնել՝ իր անձի վերաբերյալ։ Մասնավորապես՝ նա նշել է, որ Միացյալ Նահանգներում չէ, այլ Կանդայում է արդեն վաղուց:  Իսկ ԱՄՆ-ում կարճ ժամանակ եղած ընթացքում, այնպիսի նահանգում է ապրել, որտեղ նույնիսկ մարիխուանայի մոտ կանգնելը քրեական հանցագործություն էր։ Ինչ վերաբերում է Քրեական օրենսգրքի հոդվածներին, Յազիչյանն ընդունել է, որ նշված հոդվածները խառնել է: Ըստ նրա, պարզապես վրիպակ է:

«Ես ոչ իշխանական եմ, ոչ հակաիշխանական, ոչ նախկին, ոչ ներկա եւ ոչ էլ ապագա…Ես նույնիսկ չեմ ընդդիմացել իմ կարգալուծությանը», - պնդում է Յազիչյանը:

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին Ոչ համարժեք պատասխան՝ ԱԺ ամբիոնից հնչած լուտանքներին Ամեն ինչի դիմելու եմ, խոսք եմ տալիս, հերի’ք ա, վեց տարի ա տանջվում ենք, մի լուր չունենք մեր էրեխեքից Կլինի վեց տարի՝ երեխայիս չեմ տեսել, մայրերով էլ չենք դիմանում, մի բան թող անեն. անհայտ կորածի մայր