XVIII դարի Նախիջևանյան գորգը կբերվի Ադրբեջան

Իտալացի հավաքորդ Միրկո Կատայի մասնավոր հավաքածուում պահպանվող XVIII դարի Նախիջևանյան գորգը կբերվի Ադրբեջան, հաղորդում է Գարդման-Շիրվան-Նախիջևան Համահայկական Միությունը։

«Ադրբեջանի մշակույթի նախարարությունը այս առնչությամբ համաձայնագիր է ստորագրել հավաքորդի հետ: Համաձայնագրով նախատեսվում է XVIII դարի Նախիջևանյան գորգը գնել Միրկո Կատայի մասնավոր հավաքածուից: Դա նպատակ ունի հարստացնել Ադրբեջանի ազգային գորգերի թանգարանի հավաքածուն: Ըստ համաձայնագրի՝ գորգի գնման գինը կկազմի 131,000 մանաթ (77,290 դոլար): Գորգերի թանգարանը սերտ համագործակցում է Իտալիայի հայտնի թանգարանների և հավաքորդների հետ», նշվում է հայտարարության մեջ։

Գարդման-Շիրվան-Նախիջևան Համահայկական Միությունը դժգոհություն է հայտնում Ադրբեջանի կողմից հայկական մշակութային ժառանգության յուրացման հերթական փորձի առթիվ:

XVIII դարի Նախիջևանյան գորգի Իտալիայից Ադրբեջան տեղափոխելու և այն «ադրբեջանական» որակելու քայլը ևս մեկ օրինակ է Բաքվի պետական քաղաքականության՝ ուղղված հայկական մշակութային արժեքների տնօրինմանը:

Նախիջևանը դարեր շարունակ եղել է հայկական մշակութային կենտրոններից մեկը: Այս տարածքի գորգագործական արվեստը հայկական ավանդույթների անբաժանելի մասն է, որը ձևավորվել է հայ վարպետների ձեռքով և կրում է հայկական մշակութային նշանակությունը:

Մենք կոչ ենք անում միջազգային հանրությանը և մշակութային հաստատություններին ճանաչել հայկական մշակութային ժառանգության իրական պատկանելությունը:

Այս թեմայով ​​​​​​​Ազգային ժողովի էն խալի լվացողները որտե՞ղ են, մեկդ ասեք, որ գործ կա... Թուրքիայում հին հայկական գորգ է հանվել վաճառքի 150 հազար դոլարով Հպարտ Հայաստանում գորգ լվանալու սցենարը արժե 300 000 դրամ Շուրջ 5 միլիոն դրամ՝ Վարդավառի օրը Բաղրամյան պողոտայում գորգ լվանալու համար. 168.am 168.am. Շուրջ 5 միլիոն դրամ՝ Վարդավառի օրը Բաղրամյան պողոտայում գորգ լվանալու համար