Նյու Յորքում Իրանի պատվիրակությանն արգելվել է այցելել բուտիկներ և մեծածախ խանութներ

ԱՄՆ իշխանությունները նոր սահմանափակումներ են սահմանել Նյու Յորք ժամանող իրանական պատվիրակության համար, մասնավորապես՝ արգելելով նրանց գնումներ կատարել շքեղ խանութներում և մեծածախ խանութներում։ Այս մասին հաղորդում է Al Arabiya-ն։

ԱՄՆ պետդեպարտամենտի մամուլի քարտուղարի տեղակալ Թոմի Պիգոտի խոսքով՝ այս քայլն Իրանի ղեկավարության վրա առավելագույն ճնշման քաղաքականության մի մասն է։

«Իրանում հոգևորականները շռայլորեն են ծախսում արտասահմանում, մինչդեռ երկրի բնակչությունը բախվում է աղքատության, քայքայվող ենթակառուցվածքների, ջրի և էլեկտրաէներգիայի պակասի», - ասել է Պիգոտը։

Պատվիրակության տեղաշարժը նույնպես սահմանափակվել է. նախկինում պատվիրակները կարող էին ազատորեն տեղաշարժվել ՄԱԿ-ի շենքի, Իրանի առաքելության, դեսպանի նստավայրի և Ջոն Ֆ. Քենեդիի միջազգային օդանավակայանի միջև։ Այժմ նրանց երթուղիները զգալիորեն սահմանափակված են։

«Ամերիկացիների անվտանգությունը մնում է մեր գլխավոր առաջնահերթությունը», - ընդգծել է Պիգոտը։

Նախարարության ներկայացուցիչը նշել է, որ որոշումը կայացրել է անմիջապես ԱՄՆ պետքարտուղար Մարկո Ռուբիոն։

Այս թեմայով Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի» Պենտագոնը բացահայտել է Իրանի դեմ պատերազմում ԱՄՆ կորուստների մասշտաբները