Շիրակում որդին դանակահարել է հորը, սպանել, հագցրել նոր շորեր, դին փաթաթել տոպրակներով և թաղել մոտակա դաշտում

Համայնքային ոստիկանության Մուշի բաժնի ծառայողները ստացել էին օպերատիվ տեղեկություն, որ Մուշ թաղամասի բնակիչ 63-ամյա Գարիկ Գարաքյանը մարտ ամսից բացակայում է, և, ըստ տվյալի, նրան սպանել ու թաղամասի մոտակա դաշտում թաղել է որդին:

Սեպտեմբերի 18-ին տեղեկությունը փոխանցվեց Քրեական ոստիկանության Շիրակի մարզային վարչություն, և հետագա միջոցառումներն իրականացվեցին համատեղ:

Նույն օրը` ժամը 19.40-ին, 30-ամյա որդին ձերբակալվեց ու տեղափոխվեց բաժին, որտեղ խոստովանեց արարքը: Ըստ նրա՝ մարտի 20-ի գիշերը տանը կենցաղային հարցերի շուրջ վեճ է ծագել իր և հոր միջև, ինչի ընթացքում հայրը դանակահարվել է: Հաջորդ օրն էլ որդին հորը հագցրել է նոր շորեր, դին փաթաթել տոպրակներով և թաղել մոտակա դաշտում, իսկ դանակն ու դեպքի ժամանակ հոր հագին եղած շորերը նետել է աղբարկղը:

Կազմված փաստաթղթերն ու ձերբակալվածը ներկայացվել են Շիրակի մարզային քննչական վարչություն։

Սեպտեմբերի 19-ի երեկոյան Ոստիկանության և Քննչական կոմիտեի ծառայողները հայտնաբերվել են 63-ամյա Գարիկ Գարաքյանի դին:
30-ամյա տղան կալանավորվել է։

Դեպքի ամբողջական հանգամանքները նախաքննությամբ պարզվում են:

Այս թեմայով Բացառիկ մանրամասներ՝ Վալոդյայի սպանության գործից․ «Ոստիկանապետ Արամ Հովհաննիսյանն ինձ ասեց՝ դո՞ւ ես» «Ջերմություն ունեմ, քրտնում եմ»․ Վալոդյա Գրիգորյանի սպանության մեջ մեղադրվողը՝ դատարանում Դիլիջանում հայտնի ուսուցչուհու մահվան հանգամանքները Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Զինծառայող Էդգար Գևորգյանի մահվան դեպքով նախաձեռնվել է քրվարույթ. սպանություն կատարած անձը ձերբակալվել է