«Հրապարակ». ՔՊ–ականներն զգուշանում են Հակոբ Արշակյանից

«Հրապարակ» թերթը գրում է. «ՔՊ համագումարից հետո թիմը զգուշավոր է դարձել ԱԺ փոխխոսնակ Հակոբ Արշակյանի հետ շփումներում, հասկացել են, որ նա Փաշինյանի «սեւ ցուցակում» է հայտնվել, եւ կուսակցության անդամավճարի 30 հազար դրամ պարտքը չէ պատճառը, որ թույլ չեն տվել մասնակցել կուսակցության համագումարին։

ՔՊ հնաբնակները չեն զարմացել Արշակյանի նկատմամբ վերաբերմունքից, նա ներկուսակցական քննարկումների ժամանակ երբեմն «ընդդիմադիր» պահվածք է դրսեւորել, իհարկե` «լայթս» ոճում, բայց դա էլ բավական է, որ ստալինացման ձգտող առաջնորդը չհանդուրժի նրան:

Պատմում են, որ Արշակյանը շոկի մեջ է ընկել իր նկատմամբ վերաբերմունքից, երբ տեղեկացրել են, որ պարտքի պատճառով չի կարող մասնակցել համագումարին: Անգամ հաշվի չեն առել, որ օրենսդիր մարմնի փոխնախագահ է, իսկ անդամավճարն էլ ուշացրել է տարածքային կառույցի ղեկավարի հետ կոնֆլիկտի պատճառով։

Ասում են՝ ամիսներ առաջ անգամ քաշքշուկ է եղել կառույցում, Արշակյանը տեւական ժամանակ բոյկոտել է կառույցի հավաքները։ Երեկ անգամ լուրեր կային, որ հնարավոր է ԱԺ փոխնախագահի պաշտոնից զրկեն, բայց մեր աղբյուրը դա քիչ հավանական համարեց, մանավանդ՝ այս ԱԺ-ին հազիվ 10 ամիս է մնացել։

Առավել մանրամասն թերթի այսօրվա համարում

Այս թեմայով Ում է տակից աջակցում «Հայաստան» խմբակցությունը ՏԻՄ ընտրություններում Եվրոպական երկրների ոչ մի առաջնորդ չի մասնակցում Երևանում անցկացվող COP-17-ին. Հակոբ Բադալյան Ինչպես կանգառներն ու գետնանցումը դարձան համայնքապետի ընտանիքի սեփականությունը. «Հետք» «Արցախ կամ խաղաղություն» ընտրությունը կեղծ է․ Հակոբ Հակոբյան Պարոնյանի թատրոնն ազդարարեց 85-րդ հոբելյանական թատերաշրջանի մեկնարկը