Հայաստանում տրամաբանականը կլիներ ռուսական նախագծով էներգաբլոկ կառուցել. ՄԱԳԱՏԷ–ի փոխտնօրեն

Հայաստանի համար տրամաբանական կլիներ ռուսական նախագծով նոր էներգաբլոկ կառուցելը։ Այս մասին ՏԱՍՍ-ին տված հարցազրույցում ասել է ՄԱԳԱՏԷ–ի փոխտնօրեն, գործակալության միջուկային էներգիայի վարչության պետ Միխայիլ Չուդակովը՝ «World Atomic Week» միջազգային ֆորումի շրջանակներում։

«Հայաստանին ատոմակայան է անհրաժեշտ, և ամենատրամաբանականը կլիներ գոյություն ունեցողի փոխարեն ռուսական նախագծով նոր էներգաբլոկ կառուցելը։ Սա լրիվ տրամաբանական է։ Սակայն մենք տեսնում ենք, որ վերջին տարիներին տրամաբանությունը միշտ չէ, որ աշխատում է, և քաղաքական որոշումներն են գերակշռում», – ասել է Չուդակովը։

Որպես օրինակ նա բերել է Արևելյան Եվրոպայում ստեղծված իրավիճակը։

«Տեղադրվում են բացարձակ չփորձարկված էներգաբլոկներ, միայն թղթի վրա գոյություն ունեցող, ոչ հեղինակավոր։ Եվ չկան պիլոտային նախագծեր։ Սակայն դրանք գնվում են միայն թե ռուսական նախագիծը չվերցնեն, որը փորձարկված է, հուսալի, լավ է իրեն դրսևորում և լավ աշխատում», – բացատրել է Չուդակովը։

Այս թեմայով Ատոմային էներգետիկան Հայաստանի համար ռազմավարական նշանակություն ունի. Էդուարդ Մարտիրոսյան Հայկական ԱԷԿ-ի շահագործման ժամկետը նախատեսվում է երկարաձգել մինչև 2041 թվականը․ Էդուարդ Մարտիրոսյան Մեծամորի ատոմակայանի մասին կեղծ պնդումները փորձ են՝ վնասելու հայ-ռուսական հարաբերությունները․ ՌԴ ԱԳՆ Ատոմակայանն ունի շահագործման ժամկետ, և այդ ժամկետը 2036 թվականն է. Արման Եղոյան Կարեւոր ազդակ. Ռուս մասնագետները վերադառնում են Բուշերի ատոմակայան