Նոր մանրամասներ՝ Բորիս Ավագյանի առեղծվածային ինքնասպանության մասին

«Իրավունք»-ին նոր մանրամասներ է հայտնի դարձել Սանկտ Պետերբուրգում, ըստ նախնական տվյալների, ինքնասպանություն գործած Արցախի Հանրապետության նախագահի հատուկ հանձնարարությունների գծով նախկին ներկայացուցիչ ԲՈՐԻՍ ԱՎԱԳՅԱՆԻ դեպքի հետ կապված:

Տեղի աղբյուրների փոխանցմամբ` պարզվում է` իրավապահներն ահազանգի հետքերով թեպետ ժամանակին եղել են տեղում, բայց մահացածն անձեռնմխելի է մնացել, եւ տեւական ժամանակ մարմինը մնացել է զուգարանում, որտեղ հայտնաբերել էին:

Հայաստանի հյուպատոսությունը, չնայած նրան, որ թույլ է տվել Քննչական կոմիտեի ներկայացուցիչներին եւ քրեական հետաքննության աշխատակիցներին մտնել դիվանագիտական շենք, որտեղ մահացել էր Բորիս Ավագյանը, բայց հազիվ սկսելով զննումը` իրավապահները ստացել են հրաման՝ անհապաղ լքել Հայաստանի տարածք համարվող հյուպատոսարանը: Դիվանագիտական ​​​​ներկայացուցչության շենք մուտք գործելու համար անհրաժեշտ է եղել ոչ միայն հյուպատոսական թույլտվություն, այլ նաեւ` Արտգործնախարարության: Եվ միայն թղթաբանությունից հետո է հաջողվել զննություն իրականացնել եւ արձանագրել Ավագյանի ինքնասպանության փաստը:

Նշենք, որ սեպտեմբերի 23-ին Ավագյանին ռազմական ոստիկանությունը ուղեկցել է տեղի շրջանային դատարան: Այնտեղ դատարանը քննել է նրա դեմ հարուցված քրգործի վերաբացման հարցը, որը կասեցվել էր մեղադրյալի՝ Երկրորդ ռազմական օկրուգին միանալու որոշման պատճառով: Քննարկվել է նաեւ Ավագյանին կալանքի տակ պահելու միջնորդությունը։ Երբ դատարանը հեռացել է խորհրդակցական սենյակ, նախկին պաշտոնյան խնդրել է ժամանակ տրամադրել ծխելու համար, բայց իրականում փախել է։ Նրան հաջողվել է հասնել Հայաստանի հյուպատոսություն։ Իսկ հետո արդեն տարածվել է չարաբաստիկ լուրը: Իսկ թե ինչու էր գնացել հյուպատոսարան, առավել ուշագրավ է: Նա հետախուզվում էր Հայաստանում` սահմանի անօրինական հատման եւ փողերի լվացման համար, ուստի` խնդրում էր հյուպատոսությանն իրեն արտահանձնել հայրենիք , որպեսզի իրեն ձերբակալեն եւ քննություն իրականացնեն:

ՀՐԱՆՏ ՍԱՐԱՖՅԱՆ

Այս թեմայով Անհավատալի է, որ ՀՀ ոչ միայն իշխանությունները, այլ նաև բնակչության մի զգալի մասն է անտարբեր մեր խնդիրների հանդեպ «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ Արցախցիների ձայները բաժանվելու են մի քանի մասի. Արցախցի հասարակական գործիչը փակագծեր է բացում ՇՏԱՊ. Ցամաքային սահմանով Ադրբեջան է այցելել 20 հոգանոց հայկական պատվիրակություն․ ո՞վքեր են նրանք Չեմ կարծում՝ աղետ է սպասվում, եթե ընտրությունների արդյունքներն այլ լինեն, քան ենթադրում է պարոն Փաշինյանը. Նավասարդյան