Խորը կոլապսի մեջ է ե՛ւ իշխանությունը, ե՛ւ ընդդիմությունը. Հայտնի լրագրողը քաղաքական ներկապնակում առկա քաոսի մասին

Հայտնի հետաքննող լրագրող, մեր  գործընկեր, չորրորդ իշխանությունում իր ուրույն հետքը թողած լրագրող Գայանե Զարգարյանը անդրադարձել է մերօրյա քաղաքական ներկապնակին ու այնտեղ առկա ու նոր հասունացող քաոսին. 

Հայաստանի քաղաքական իրականությունը կանգնած է խորը լեգիտիմության ճգնաժամի առաջ։ Հասարակության լայն շերտերում տիրում է տոտալ հուսախաբություն․ քաղաքացիներն այսօր հավասարաչափ զզվում են թե՛ իշխանությունից, թե՛ ընդդիմությունից։ Սա ոչ միայն սոցիալական տրամադրությունների արձանագրում է, այլև համակարգային խոցելիության ցուցիչ։
Իշխանությունը, իր գործելակերպով, ինստիտուցիոնալիզացրել է քաղաքական անպատասխանատվությունը՝ ստեղծելով կառավարման մոդել, որտեղ  հակակշիռների համակարգը գրեթե վերացվել է. գործընթաց, որը հանրային ընկալումներում հանգեցրել է քաղաքական դեգրադացիայի, 
մյուս կողմից՝ ընդդիմությունը, որը դասական ժողովրդավարական համակարգում պետք է հանդես գար որպես «ալտերնատիվ կենտրոն» 
փաստացի դրսևորել է տկարություն, կառուցվածքային անկազմակերպվածություն և ցավոք սրտի՝ գաղափարական ինֆանտիլիզմ։ 
Այս երկկողմանի դեֆիցիտը հանգեցրել է քաղաքական վակուումի․ հասարակությունը հայտնվել է քաղաքական ներկայացուցչության բացի մեջ, ինչը  ուղիղ ճանապարհ է դեպի քաղաքական ապատիա:  Կարճ ասած՝ գործ ունենք սիստեմային ճեղքվածքի հետ,  երբ քաղաքական դաշտը կորցնում է միջնորդելու և լեգիտիմացնելու կարողությունը։
Արդյունքում, Հայաստանի քաղաքական համակարգը ոչ թե գտնվում է մրցակցային բազմակուսակցական դաշտում, այլ մի դեգեներատիվ ցիկլի մեջ, որտեղ իշխանությունը սպառում է իր լեգիտիմության ռեսուրսները, իսկ ընդդիմությունը՝ իր գոյաբանական արդարացումները։ Այս հակադրության պայմաններում հասարակության դժգոհությունը վերածվում է ոչ թե քաղաքական պահանջատիրության, այլ սոցիալական նիհիլիզմի։
Եթե այս միտումը շարունակվի, ապա Հայաստանի քաղաքական կյանքը կանգնելու է կոլապսի  առաջ․ կամ ռեալ եւ խաղացող  ուժեր ու ինստիտուցիոնալ փոփոխություններ, կամ՝ համակարգի ինքնաքայքայում, որը կարող է եւ չբացառել սոցիալական պայթյունը:

Այս թեմայով Ինչո՞ւ պետք է ժողովուրդը կրկին վստահի ձեզ, ինչի՞ համար եք պատասխանատվություն ստանձնել Եղանակի տեսությունն ու առաջիկա օրերի կանխատեսումը Երևանում COVID-19-ի, գրիպի և այլ շնչառական վարակների ախտանշանները կարող են համընկնել 11։11. Ի՞նչ է ուզում ճակատագիրը մեզ ասել, կրկնվող թվերի օրը Էրդողանը մեկնել է Ադրբեջան՝ մասնակցելու «Հաղթանակի օրվա» միջոցառումներին