«Աստղիկ» ԲԿ-ն շարունակում է զարգանալ, որպեսզի ապահովի լավագույնը մեր հանրության համար

«Աստղիկ» բժշկական կենտրոնում տեղի ունեցավ  Պլաստիկ վիրաբուժության բաժանմունքի վերաբացման պաշտոնական արարողությունը։ 
Սա ոչ միայն ենթակառուցվածքների ընդլայնում է, այլև կարևոր քայլ դեպի բժշկական տուրիզմի զարգացումը Հայաստանում։

Աստղիկ ԲԿ-ի հիմնադրման օրվանից պլաստիկ և էսթետիկ բժշկությունը եղել է գործունեության առաջնահերթ ուղղություններից մեկը։ Բաժանմունքում տարեկան իրականացվում է ավելի քան 1000 վիրահատություն, ինչը խոսում է թիմի մեծ փորձի և վստահության մասին։

Ապահովություն և հարմարավետություն․ այս կարգախոսով մենք ձեռնամուխ եղանք բաժանմունքի առանձնացմանն ու այսօր վստահաբար կարող ենք ասել, որ հնարավոր է բազմապրոֆիլ հզոր բժշկական կենտրոնում ստեղծել փոքր էսթետիկ կենտրոն՝ իր առանձնակի գրավչությամբ և հարմարավետությամբ, բայց և այն ապահովությամբ, որ էսթետիկ թիմի թիկունքում կանգնած են բոլոր այն մասնագետներն ու հնարավորությունները, որոնք կապահովեն պացիենտի անվտանգությունն ու առողջությունը։

Բացման արարողությանը առողջապահության նախարար Անահիտ Ավանեսյանը ընդգծեց, որ բժշկական ծառայությունները պետք է լինեն անվտանգ, բարձրորակ և համապատասխան միջազգային ստանդարտներին։ 

«Աստղիկ» ԲԿ-ն հետևողականորեն իրականացնում է այդ սկզբունքները՝ դեռևս 2022թ-ից  ներդնելով JCI ստանդարտները, որոնք համարվում են աշխարհում պացիենտի անվտանգության լավագույն համակարգերից մեկը։

Աստղիկ ԲԿ-ում յուրաքանչյուր պացիենտ մինչև վիրահատությունը անցնում է մանրակրկիտ հետազոտություն․ գնահատվում են բոլոր հնարավոր ռիսկերը, իսկ անհրաժեշտության դեպքում իրականացվում է նախնական բուժում։ Այս մոտեցումը գրեթե զրոյի է հավասարեցնում հետվիրահատական բարդությունների վտանգը։

Այս վերաբացված բաժանմունքը մեր հիվանդանոցի շարունակական զարգացման կարևոր քայլերից մեկն է։ Մենք համոզված ենք, որ այն կնպաստի ոչ միայն կենտրոնի հեղինակության բարձրացմանը, այլև մեր քաղաքացիների առողջության պահպանմանը և բարելավմանը։

 «Աստղիկ» ԲԿ-ն շարունակում է զարգանալ, որպեսզի ապահովի լավագույնը մեր հանրության համար։

Այս թեմայով ԻՊՀԿ-ն Հորմուզի նեղուցում խոցել է խոշորագույն տանկերներից մեկը (Տեսանյութ) Եվրոպայում խուճապ է տարածվում. տասնյակ նոր ինքնաթիռներ ստանում են ռումբի մասին սպառնալիքներ Թրամփը հայտարարել է Ուկրաինայի և Ռուսաստանի միջև «խոշոր գործարքի» նախապատրաստման մասին «Հրապարակ». Շաքիի հայտնի դեպքերի վերաբերյալ փակ քննարկում է տեղի ունեցել Նոյեմբերի 8-ի երեկոյան հանրապետության մեծ մասում ձյուն կտեղա