Ռուսաստանում Ադրբեջանի դեսպանատունը հայտարարել է, որ իրենց քաղաքացիներին արդեն 3 օր է, ինչ թույլ չեն տալիս դուրս գալ Մոսկվայի մերձակա Ժուկովսկի օդանավակայանից

Ռուսաստանում Ադրբեջանի դեսպանատունը հայտարարել է, որ իրենց քաղաքացիներին արդեն 3 օր է, ինչ թույլ չեն տալիս դուրս գալ Մոսկվայի մերձակա Ժուկովսկի օդանավակայանից, հաղորդում են ադրբեջանական լրատվամիջոցները։

Այնտեղ պարզաբանել են, որ Ադրբեջանի քաղաքացիները Ռուսաստան մուտք գործելուց առաջ պարտավոր են 72 ժամ առաջ գրանցվել և թույլտվություն ստանալ համապատասխան ծրագրով, սակայն ոչ բոլորն են կատարում այս պահանջը։

«Դրա պատճառով նրանք բախվում են նման դժվարությունների։ Հարկ է նշել, որ Ժուկովսկիի օդանավակայանում ձերբակալվածները կարող են այնտեղ մնալ մինչև մեկ շաբաթ, քանի որ ռուսական իշխանություններն իրենք են նրանց հետ ուղարկում քաղաքացիության երկրներ։ Ժուկովսկիից Ադրբեջան ուղիղ չվերթներ չկան՝ այնտեղ թռչում են միայն ռուսական ավիաընկերությունները։ Այդ չվերթներն իրականացվում են շաբաթը երկու անգամ՝ երկուշաբթի և հինգշաբթի օրերին։ Եթե վաղը ինքնաթիռում ազատ տեղեր լինեն՝ համացանցում տարածված տեսանյութում երևացող քաղաքացիներին կուղարկեն Ադրբեջան։ Եթե տեղեր չլինեն, նրանց հայրենիք կվերադարձնեն հաջորդ շաբաթվա սկզբին», - հայտնել են դեսպանատնից։

Այս թեմայով Մոսկվայի մոտ գտնվող քիմիական գործարանում տեղի են ունեցել երեք հզոր պայթյուն ՀՀ սահմանը հատած ադրբեջանցի զինծառայողը ծառայության վայրը լքել է սեպտեմբերի 26-ին․ Ադրբեջանի դատախազություն Երկու ֆուտբոլիստ դուրս է մնացել Հայաստանի հավաքականի հայտացուցակից «Ժողովուրդ». Փաշինյանը «բլոտ»-ում պարտվել է, դուրս եկել խաղից Ադրբեջանի ու ՀՀ-ի կիբեռանվտանգության մեջ «սարեր-ձորեր» կան. տվյալների բազան հարձակման թիրախ կդառնա