Բարսեղյանը պատմել է իր և Ռոնալդուի ուշագրավ զրույցի մասին

Հայաստանի ազգային հավաքականի ավագ, Բրատիսլավայի «Սլովանի»  ֆուտբոլիստ Տիգրան Բարսեղյանը հունգարական Nemzeti Sport-ին տված հարցազրույցում պատմել է, թե ինչ էր խոսել Կրիշտիանու Ռոնալդուի հետ Պորտուգալիայի դեմ սեպտեմբերին Երևանում կայացած հանդիպման (0-5) ժամանակ.

«Պորտուգալացիների դեմ մրցավեճի երկրորդ խաղակեսում Ռոնալդուն հարցրեց ինձ, թե ինչու ենք մենք այդքան խորը պաշտպանվում և չենք փորձում գոլ խփել։ Ես պատասխանեցի` «Եթե այդքան հեշտ լիներ»։ Ապա նա կատակեց՝ ասելով, որ ինքը մեկ գոլ կխփի, հետո իմ հերթը կլինի։ Եվ իրոք, կես րոպե անց նա գոլ խփեց՝ ցույց տալով, որ հիմա իմ հերթն է»,- ասել է Բարսեղյանը:

Հիշեցնենք, որ ընտրական F խմբում երկու տուրից հետո Պորտուգալիան 6 միավորով առաջատարն է, Հայաստանը երեք միավորով` երկրորդը, Հունգարիան և Իռլանդիան մեկական միավորով բաժանում են 3-4-րդ տեղերը:

Այս թեմայով Ռոնալդուի անհավանական կարիերային արժանի հրաժեշտի միջոցառում կանցկացնենք. ՊՖՖ Ռոնալդուն ավարտեց կարիերան Պորտուգալիայի հավաքականում Հայտնի է՝ ինչ որոշում է կայացվել Ռոնալդուի վերաբերյալ Պորտուգալիայի հավաքականում Տիգրան Բարսեղյանը ֆանտաստիկ գոլի հեղինակ է դարձել (տեսանյութ) Բարսեղյանը բացառիկ ֆուտբոլիստ է և ֆանտաստիկ մարդ. Յայա Տուրե