Սարյանական տարվա ամփոփիչ ՄԵԾ ՀԱՄԵՐԳ

Ս/թ դեկտեմբերի 9-ին ժամը 17:00՝ Երևանի Կոմիտասի անվան պետական Կոնսերվատորիայի Ղազարոս Սարյանի անվան օպերային ստուդիայի համերգասրահում տեղի կունենա Երևանի Ղազարոս Սարյանի անվան արվեստի դպրոցի «Սարյան» երգչախմբի համերգը (գեղարվեստական ղեկավար և խմբավար՝ Գրիգոր Հարությունյան): Համերգն իրականացվում է Հայաստանի Կոմպոզիտորների միության հետ համատեղ և նվիրված է հայ մեծ կոմպոզիտոր Ղազարոս Սարյանի 105 ամյակին: Ծրագիրը կազմված է հայ ժամանակակից կոմպոզիտորների խմբերգային ստեղծագործություններից (այդ թվում՝ պրեմիերաներ): «Սարյան 105» համերգային երեկոյի ընթացքում միասնական ելույթ կունենան Սարյան երգչախմբի 105 սաներ: 

Համերգի նպատակն է հանրայնացնել հայ ժամանակակից կոմպոզիտորների ստեղծագործությունները: «Սարյան» երգչախումբը որդեգրել է առաքելություն. այն է՝ կատարել, տարածել և հանրայնացնել գերազանցապես հայ դասական և ժամանակակից կոմպոզիտորների ստեղծագործությունները: Այս համերգը ևս մեկ խթան կլինի, որ երաժշտասեր հանրությունը ծանոթանա հայ խմբերգային արվեստին:

Համերգային ծրագրում կհնչեն Արամ Սաթյանի, Կոնստանտին Պետրոսյանի, Ստեփան Բաբաթորոսյանի, Արմենուհի Կարապետյանի, Վահե Հայրապետյանի, Խաչատուր Մարտիրոսյանի, Մարտին Վարդազարյանի, Նարինե Զարիֆյանի, Աննա Ազիզյանի, Խաչատուր Ավետիսյանի, Առնո Բաբաջանյանի և Ղազարոս Սարյանի խմբերգերը:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Նոր ԱԺ-ում կլինի 105 պատգամավոր Երևանի 04/39 ընտրատեղամասում առաջատարը ՔՊ-ն է ՀՀ անկախության 35-ամյակին նվիրված միջոցառումների առաջարկների ներկայացման ժամկետը երկարաձգվել է Ովքեր են ՔՊ ցուցակի առաջին 50 հոգին .ՑԱՆԿ