Վարդան Ղուկասյանը ձերբակալվեց, նրան դուրս բերեցին քաղաքապետարանի այլ մուտքից

Գյումրու համայնքապետ Վարդան Ղուկասյանը ձերբակալվեց, նրան դուրս բերեցին քաղաքապետարանի այլ մուտքից։

Նշենք, որ վաղ առավոտից լարված իրավիճակ է Գյումրու քաղաքապետարանի մոտ։ Շենքի տարածքում շարունակում են գտնվել մեծաթիվ ոստիկանական ուժեր։ Ոստիկանները շրջապատել են համայնքապետարանի շենքը՝ փակելով մուտքերը։ Իսկ քիչ առաջ բախումներ եղան քաղաքացիների և ոստիկանների միջև, կարմիրբերետավորները ուժ կիրառեցին։

Հիշեցնենք, որ ուժայինները Գյումրու քաղաքապետարան են ներխուժել առավոտյան։ Ըստ Հակակոռուպցիոն կոմիտեի՝ համայնքապետարանում քննչական գործողություններ են իրականացվել իրենց մոտ քննվող վարույթի շրջանակում։ Ավելի ուշ ՀԿԿ-ն հայտարարություն տարածեց՝ նշելով, որ Գյումրիում 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։

Հավելենք, որ հոկտեմբերի 1-ին ԱԺ-ում վարչապետ Նիկոլ Փաշինյանը հայտարարել էր, թե «արդեն 6 ամիս է, որ Գյումրին կառավարում է մի կլան, որի ղեկավարը, կամ շատերն են ճանաչում՝ Վարդանիկը, կամ ըստ մեղադրանքի` համայնքային բրուշատկաներ գողացողի հայրն այս ընթացքում այնքան է իրեն արդեն թույլ տվել արտահայտություններ, որ վերջերս հրապարակային կերպով կասկածի տակ դրեց Հայաստանի ինքնիշխանությունը։ ՀՀ ինքնիշխանության դեմ հայտարարություններ անողներին պետք է դուրս շպրտենք քաղաքական ու հանրային դաշտից»,- ասել է Փաշինյանը:

Իսկ արդեն հոկտեմբերի Ղուկասյանն արձագանքեց՝ իրավապահների ուշադրությունը հրավիրելով Փաշինյանի հայտարարության վրա։ Նրա խոսքով, Փաշինյանը պետք է բացատրություն տա, թե ինչ նկատի ուներ, քանի որ, ըստ Ղուկասյանի, հանրային դաշտից դուրս շպրտելը նշանակում է կյանքից զրկել։

Այս թեմայով Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Հայտնի իրավապաշտպանը հրատապ հայտարարությամբ է հանդես եկել Ինչու են ընկել Էդիկ Մինասյանի հետեւից Վարդան Այվազյանի նկատմամբ կիրառվել է կալանք, իսկ Էդիկ Մինասյանի նկատմամբ՝ տնային կալանք Ովքեր են կաշառքի գործով ձերբակալված ամբիոնի վարիչները