Յունիբանկի հովանավորությամբ Հայաստանում անցկացվեց ժայռամագլցման բաց առաջնություն

Յունիբանկը շարունակում է խթանել առողջ ապրելակերպը և աջակցել հայկական սպորտի զարգացմանը։ Բանկի հովանավորությամբ Հայաստանում անցկացվեց ժայռամագլցման բաց առաջնություն, որին մասնակցեցին տարբեր տարիքային խմբերի լավագույն մարզիկները։

«Յունիբանկի կարգախոսն է՝ «Բանկ և ավելին», ինչը ենթադրում է մեր աջակցությունը տարբեր ոլորտներում։ Սպորտը, հատկապես օլիմպիական մարզաձևերը, մշտապես մեր ուշադրության կենտրոնում են»,- նշեց Յունիբանկի վարչության նախագահ Մեսրոպ Հակոբյանը։

Մրցաշարը կազմակերպվել էր Հայկական լեռնային ակումբի և «Բոլդերլենդ» ժայռամագլցման մարզասրահի կողմից։

«Այս տարի մեր հովանավորը Յունիբանկն է, և մենք շատ ուրախ ենք այդ համագործակցության համար։ Ֆինանսական աջակցությունը չափազանց կարևոր է այս սպորտաձևի զարգացման և տարածման համար։ Բանկի հովանավորությունը հնարավորություն է տալիս սահմանել մրցանակներ և բարձր մակարդակով իրականացնել կազմակերպչական աշխատանքները»,- ընդգծեց «Բոլդերլենդ» մարզասրահի հիմնադիր Զավեն Առաքելյանը։

Հայկական լեռնային ակումբի համահիմնադիր և նախագահ Մխիթար Մխիթարյանը հավելեց, որ Յունիբանկի հետ ձեռք բերված համագործակցությունը երկարաժամկետ է․ «Յունիբանկի աջակցությունը մեծ խթան է ժայռամագլցման զարգացման համար։ Մինչ այժմ մենք մեր միջոցներով էինք կազմակերպում մրցումներ, սակայն ֆինանսական աջակցություն չենք ունեցել։ Այժմ վստահ ենք, որ մեր համագործակցությունը Յունիբանկի հետ կնպաստի, որպեսզի ժայռամագլցումը Հայաստանում դառնա ոչ պակաս ճանաչված, ինչպես մեր ավանդական մարզաձևերը՝ ըմբշամարտը կամ ծանրամարտը»։

Առաջնության մեծահասակների խմբում հաղթողներին Յունիբանկը նվիրեց պրեմիում դասի քարտեր՝ դրամական մրցանակներով։ «Շնորհավորում ենք չեմպիոններին և մաղթում նոր հաջողություններ միջազգային ասպարեզում։ Մեր աջակցությունը սպորտին և մարզիկներին լինելու է շարունակական»,- նշեց Մեսրոպ Հակոբյանը։

Այս թեմայով Յունիբանկն ու «Վանք» հիմնադրամն աջակցել են անվասայլակով բասկետբոլի ցուցադրական խաղի անցկացմանը Յունիբանկը և Unisport ակումբը մասնակցել են «Tricolor» Yerevan Beat Run վազքին Յունիբանկն ու Wildberries-ը գործարկել են ապառիկ գնումների ծառայություն Moody’s Ratings-ը վերահաստատել է Յունիբանկի B1 վարկանիշը՝ կայուն հեռանկարով Յունիբանկը չի բարձրացնի անշարժ գույքի գրավով վարկերի հաստատուն ճշգրտվող տոկոսադրույքները