Ռուսական կապիտալը ամենամեծ մասնաբաժինն ունի ՀՀ բանկային համակարգում. Տնտեսագետ

Չնայած բարդ միջազգային իրավիճակին, Հայաստանի համար Եվրասիական տնտեսական միության շրջանակներում տարածաշրջանային ինտեգրման այլընտրանքներ դեռևս չեն երևում,-վստահեցնում է տնտեսագետ Թաթուլ Մանասերյանը.

-Հենց Միության ներսում տնտեսական համագործակցությունն է թույլ տվել ԵԱՏՄ-ին առաջատար դիրքեր զբաղեցնել նավթի, գազի արդյունահանման և գյուղատնտեսական արտադրանքի արտադրության մեջ:  ԱյսօրԵԱՏՄ-ն շեշտը դնում է Մեծ եվրասիական գործընկերության ծրագրի վրա, սակայն ինտեգրացիոն գործընթացները բախվում են մի շարք դժվարությունների։ Արեւմտյան պատժամիջոցները, որոշակի խնդիրներ են ստեղծում ոչ միայն Ռուսաստանի, այլև ամբողջ Միության համար։ Կարևոր է, որ ԵԱՏՄ երկրները սովորեն ոչ միայն հեռավոր արտասահմանի զարգացած պետություններից, այլև միմյանցից:

 Հայաստանի անդամակցությունը ԵԱՏՄ-ին ակնհայտ տնտեսական էֆեկտ է ։ Կրկնում եմ ԵԱՏՄ անդամակցությունն այս պահին այլընտրանք չունի Հայաստանի համար և թույլ է տվել մեծ հաջողությունների հասնել։ Միությանը մասնակցության շնորհիվ հաջողվել է հաղթահարել ներքին տնտեսական լճացումը և զգալիորեն մեծացնել արտաքին առևտրի ծավալը ԵԱՏՄ այլ երկրների հետ։ Անդամակցության առանցքային առավելությունները շարունակում են մնալ մաքսային արգելքների բացակայությունը, կապիտալի և աշխատուժի ազատ տեղաշարժը, ինչպես նաև ԵԱՏՄ խոշոր շուկայի հասանելիությունը։ Այս ամենը հսկայական առավելություն է տվել Հայաստանին և դարձել է այն տնտեսական թռիչքի պատճառը, որը մենք այսօր դիտարկում ենք։

Հայաստանի տնտեսության սերտ կապը Ռուսաստանի հետ նույնպես ապահովում է դրական դինամիկա։ Երկու երկրների միջև ապրանքաշրջանառությունն աճել է ավելի քան 40%-ով, Ռուսաստանը ֆինանսավորում է «Հյուսիս-Հարավ» ավտոճանապարհային միջանցքի չորրորդ հատվածի կառուցումը 150 մլն դոլարով՝ Եվրասիական կայունացման և զարգացման հիմնադրամի միջոցներով։ Ի վերջո ռուսական կապիտալը ամենամեծ մասնաբաժինն ունի բանկային համակարգում, իսկ ՌԴ-ից տրանսֆերտները կազմում են Հայաստանի ՀՆԱ-ի գրեթե մեկ քառորդը:

Գյուղատնտեսության ոլորտում եւ Հայաստանը աճ է գրանցում. 2024 թվականին երկիրը ԵԱՏՄ անդամների շրջանում միակն է, որ ցորենի բերքահավաքը ավելացրել է 21,3%-ով։ Հանրապետությունում ուղղակի օտարերկրյա ներդրումների ծավալը 2024 թվականի արդյունքներով կազմել է մոտ 1 մլրդ դոլար, ինչը 20%-ով ավելի է, քան նախորդ տարի։ Հայաստանի և Ռուսաստանի տնտեսությունները մեկ ընդհանուր մեխանիզմ են, ուստի մի երկրի հաջողությունները ուղղակիորեն ազդում են մեկը մյուսի վրա։

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը