Երեւանում մետրոյի նոր կայարանի կառուցման համար կհատկացվի 2 մլրդ դրամ

2026թ․ Երեւանի մետրոպոլիտենի զարգացման համար կհատկացվի 5.5 միլիարդ դրամ, որից 2 միլիարդը կուղղվի նոր կայարանի կառուցմանը։ Այս մասին հոկտեմբերի 31-ին 2026թ․ պետական ​​բյուջեի նախագծի քննարկման ժամանակ խորհրդարանական մշտական ​​հանձնաժողովների համատեղ նիստում հայտնել է տարածքային կառավարման եւ ենթակառուցվածքների նախարար Դավիթ Խուդաթյանը։

«2026թ․ քաղաքաշինության ծրագրի իրականացման համար հատկացվել է 16.6 միլիարդ դրամի չափով ֆինանսավորում։ Այդ ֆինանսավորման շրջանակում կիրականացվեն մի շարք միջոցառումներ։ Մասնավորապես, 2.5 միլիարդ դրամ կհատկացվի Երեւանի մետրոպոլիտենի ենթակառուցվածքների վերակառուցմանը, իսկ 2 միլիարդ՝ նոր կայարանի կառուցմանը»,- ասել է Խուդաթյանը։

Բացի այդ, ուղեւորափոխադրումների ծառայությունների համար կծախսվի 1 միլիարդ դրամ։ Այս երեք ծրագրերի համար ընդհանուր առմամբ կհատկացվի 5.5 միլիարդ դրամ։

Այս թեմայով ՇՏԱՊ. Բարեկամության մետրոյի տակը ջրհեղեղ է Արցախցի կինը չէր վիճաբանում Փաշինյանի հետ․ վիճաբանողը Փաշինյանն էր․ Հակոբ Բադալյան Հոսանքի տատանումների հետևանքով մետրոպոլիտենի բաց հատվածում առաջացել է տեխնիկական խափանում. Ուղևորներին իջեցրել են Երևանի մետրոպոլիտենը 45 տարեկան է «Աջափնյակ» մետրոյի կայարանի հատվածում բիզնես կենտրոն կկառուցվի