Թող Աստված միշտ ծաղկյալ պահի Հայրապետական Ձեր գավազանը. Պրոֆեսոր Չարչյանի ուղերձը Հայոց Կաթողիկոսի օծման 26-րդ տարեդարձին

Այսօր Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օծման և գահակալության 26-րդ տարեդարձն է

Ձերդ Սրբություն Վեհափառ Տեր, 
Որդիական անհուն սիրով և երախտագետ սրտով շնորհավորում եմ Ձեզ՝ Հայրապետական Ձեր գահակալության տարեդարձի առիթով։ 
26 տարի է անցել այն օրից, երբ ազգընտրությամբ բազմեցիք Լուսավորչի գահին և ստանձնեցիք հայոց հոգևոր հովվությունն ու խնամքը։ Անցնող այս տարին մեզ համար ամենքիս է տեսանելի ու ամենքիս համար բերկրելի՝ ականատեսն ու վայելողը լինելու Ձերդ Վեհության անխոնջ ու տքնաջան ծառայության առատ պտուղների, որոնք անհաշվելի են. եկեղեցաշինությունից մինչև սոցիալական խնամատարություն, կրթադաստիարակչան գործից մինչև եկեղեցականաց պատրաս¬տու¬թյուն, հնությանց պահպանումից ու վերակառուցումից մինչև նոր հաստատություն¬նե¬րի հիմնում՝ ի վայելում և ի սպասավորություն մեր ժողովրդի։ 

Կանգո՛ւն մնացեք, առո՛ղջ մնացեք, Տիրոջ Սեղանից ու Ձեր բարձրության գահից շարունակեք մեզ օրհնություն բաշխել Ձեր Հայրապետական աջով և շնորհով։ Թող Աստված միշտ ծաղկյալ պահի Հայրապետական Ձեր գավազանը՝ ի մխիթարություն հայոց ազգի։ Բարի և օրհնյալ Հովվապետական ընթացք Ձեզ։ 

Որդիական խոնարհութեամբ մատչիմ ի համբոյր Ձերդ Սուրբ Աջոյն 

ԱՐՄԵՆ ՉԱՐՉՅԱՆ

Այս թեմայով Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) «Ժողովուրդ». Լենա Նանուշյանի նոր ձախողումների շարքը «Հրապարակ». Գարեգին Պողոսյանի կադրային «ցունամին» կորպուսում «Ժողովուրդ». Այսօր կորոշեն Հայկ Սարգսյանի ճակատագիրը Մերցի կուսակցությունը պարզապես չի գոյատևի մինչև «Ռուսաստանի հետ պատերազմը»