Ի՞ՆՉ Է, ՎԱՇԻՆԳՏՈՆՈՒՄ ԿԱՍԿԱԾՈ՞ՒՄ ԵՆ, ՈՐ ՓԱՇԻՆՅԱՆԸ ԿԱՐՈՂ Է ՎԵՐԸՆՏՐՎԵԼ

Այս­պի­սով, շատ նման է, որ Եվ­րո­պան եւս Զե­լենս­կուն զո­հա­բե­րե­լու ո­րո­շում ու­նի (Տես նաեւ https://iravunk.com/?p=327919&l=am): Սա, ի դեպ, պետք է որ Նի­կոլ Փա­շին­յա­նի հա­մար շատ վատ ազ­դակ լի­նի. ե­թե կա­րող են հան­գիստ այդ­պես վար­վել  <<հա­մաշ­խար­հա­յին դե­մոկ­րա­տիա­յի փա­րոս» Զե­լենս­կու հետ, ա­պա ի՞նչ կա­նեն Փա­շին­յա­նի հետ, ով հա­զիվ «հա­մաշ­խար­հա­յին դե­մոկ­րա­տիա­յի ճրա­գի» կար­գա­վի­ճա­կի է ձգում:

Ն­կա­տենք, որ այն բա­նից հե­տո, երբ հայտ­նի դար­ձավ, որ «Մեր ձեւով» շարժ­ման հա­մա­կար­գող Նա­րեկ Կա­րա­պետ­յա­նը մեկ­նել է ԱՄՆ՝ թրամփ­յան շարժ­ման կար­կա­ռուն ներ­կա­յա­ցուց­չի հա­մա­րում ու­նե­ցող հե­ղի­նա­կա­վոր լրագ­րող Թա­քեր Կառլ­սո­նին հար­ցազ­րույց տա­լու հա­մար, ա­ռիթ ու­նե­ցանք են­թադ­րե­լու, որ դա կա­րող է դառ­նալ Վա­շինգ­տո­նի կող­մից Փա­շին­յա­նին ցույց տվող «դեղին քար­տի» պես մի բան: Հե­տա­գա ի­րա­վի­ճա­կը, թե­րեւս, հենց այդ ուղ­ղութ­յամբ էլ զար­գա­ցավ:

Այս­պես, նախ հայտ­նի դար­ձավ, որ Նա­րե­կը խո­սել է ոչ միայն հո­րեղ­բոր՝ Սամ­վել Կա­րա­պետ­յա­նի ձեր­բա­կա­լութ­յու­նից, այլ նաեւ Հայ եկեղե­ցու դեմ Նի­կո­լի ար­շա­վից, ո­րի ֆո­նին էլ, չմո­ռա­նանք, Կա­րա­պետ­յա­նին կա­լա­նա­վո­րե­ցին: Հա­ջոր­դ լու­րերն այն մա­սին էին, որ Թ­րամ­փի որ­դու այ­ցը Հա­յաս­տա­ն, ո­րը պետք է տե­ղի ու­նե­նար այս օ­րե­րին, չե­ղարկ­վեց,  հենց Ե­կե­ղե­ցու հետ կապ­ված այդ պատ­մութ­յան պատ­ճա­ռով: Դա սպա­սե­լի էր. այն պա­րա­գա­յում, երբ Թ­րամ­փը մի ամ­բողջ պե­տութ­յան է սպառ­նում պա­տե­րազ­մով, թե ձեզ մոտ քրիս­տո­նյա­նե­րին ճնշում են, տա­րօ­րի­նակ կլի­ներ, որ նրա որ­դին այ­ցե­լեր մի եր­կիր, որ­տեղ Ե­կե­ղե­ցու դեմ իս­կա­կան ար­շավ են ծա­վա­լել: Բա­ցի այդ, խոս­վում էր, որ Կառլ­սո­նը եւս ծրագ­րում է գալ Հա­յաս­տան, ո­րը եւս չե­ղարկ­վել է:

Ի­հար­կե, նի­կո­լա­կան աղբ­յուր­նե­րը սկսե­ցին այն միտքն ա­ռաջ տա­նել, թե ար­տա­ռոց բան չկա, Թ­րամ­փի որ­դու այ­ցը մաս­նա­վոր էր, դրա չե­ղար­կու­մը բան չի փո­խում: Բայց հաշ­վի առ­նե­լով այն լու­րե­րը, որ ԱՄՆ-ում Նի­կո­լի դես­պա­նը կաշ­վից դուրս էր ե­կել այդ այ­ցը կազ­մա­կեր­պե­լու հա­մար, իսկ Փա­շին­յա­նը կնոջ հետ մի ամ­բողջ ճա­շի սե­ղան էր նա­խա­պատ­րաս­տում հյու­րին դի­մա­վո­րել-խո­սե­լու հա­մար, ա­պա հաս­կա­նա­լի է, որ այ­ցի չե­ղար­կումն ա­մե­նե­ւին էլ ինչ-որ պա­տա­հա­կան բան չէր: Ա­ռա­վել եւս, որ ան­գամ Բ­րի­տա­նիա­յի խորհր­դա­րա­նում մի «փոք­րիկ» քննար­կում կազ­մա­կերպ­վեց՝ «Նի­կոլ Փա­շին­յա­նը - Հայ Ա­ռա­քե­լա­կան Սուրբ Ե­կե­ղե­ցու  եւ Սամ­վել Կա­րա­պետ­յա­նի հե­տապն­դում­նե­րը» թե­մա­յով, որն ար­դեն շատ վտան­գա­վոր ազ­դա­կի է նման­վում:

Ի­հար­կե` ա­սել, թե Նի­կո­լի հա­կաե­կե­ղե­ցա­կան ա­րարք­նե­րի մա­սին Թ­րամ­փի թի­մը, կամ բրի­տա­նա­կան խորհր­դա­րա­նը Նա­րեկ Կա­րա­պետ­յա­նից ի­մա­ցան, միամ­տութ­յուն կլի­ներ: Թե­կու­զեւ հաշ­վի առ­նե­լով, որ եր­կու եր­կիրն էլ Հա­յաս­տա­նում ու­նեն դես­պան­ներ, ո­րոնք տե­ղը-տե­ղին այդ մա­սին հայտ­նում են վե­րեւ­նե­րին: Այ­սինքն, երբ Նա­րե­կին հրա­վի­րում են, նա պատ­մում է, թե, տե­սեք, այս ինչ է կա­տար­վում, եւ դրան հա­ջորդում են քա­ղա­քա­կան ուղղ­վա­ծութ­յան ժես­տեր, հենց դա է այս պատ­մութ­յան հիմ­նա­կան ա­ղը. եթե Նի­կո­լի ա­րարք­նե­րի վրա աչք էր փակ­վում, ա­պա հի­մա այդ­պես չէ, սկսել են նրա հան­դեպ «դիս­տան­ցիա պա­հել»: Էլ չա­սած, որ Նա­րե­կին խո­սա­փող տալն ար­դեն իսկ ազ­դակ է, թե, տե­սեք, այս մի թի­մին էլ ենք լսում: Ա­ռա­վել եւս, որ հի­մա էլ տա­րած­վե­ցին խո­սակ­ցութ­յուն­ներ, թե Կա­րա­պետ­յա­նը նաեւ Հա­յաս­տա­նում ԵՄ ներ­կա­յա­ցու­ցիչ­նե­րի հետ է շփում­նե­րի մեջ: Իսկ դա ար­դեն սկսում է նման­վել նրան, որ արեւմտ­յան ուղ­ղութ­յու­ննե­րում սկսում են ու­սում­նա­սի­րել Սամ­վել Կա­րա­պետ­յա­նի ներ­կա­յաց­րած քա­ղա­քա­կան հայ­տը, ո­րի հիմ­քում, չմո­ռա­նանք, իշ­խա­նա­փո­խութ­յան գա­ղա­փարն է: Եվ ե­թե նաեւ հաշ­վի առ­նենք, որ Կա­րա­պետ­յա­նը, ի վեր­ջո, հա­մար­վում է ռու­սաս­տան­յան մի­լիար­դա­տեր, ով վատ հա­րա­բե­րութ­յուն­նե­րի մեջ չէ նաեւ մոս­կով­յան վեր­նա­խա­վի հետ, ա­պա այս­տեղ կա­րող է ար­դեն խոս­վել կոմպ­րո­մի­սա­յին ֆի­գու­րա­յի փնտրտու­քի մա­սին, ո­րը, ի­հար­կե, Նի­կո­լի հա­մար վա­տա­գույն սցե­նա­րը կլի­ներ:

Ա­մեն դեպ­քում, Փա­շին­յանն ին­քը ա­կա­մա հաս­կաց­նել տվեց, որ այն­պես չէ, որ Թ­րամ­փի «ուշքն իր հա­մար գնում է»:Այս­պես, նա­խօրեին Նի­կո­լը հայտ­նեց, որ «Թ­րամ­փի ու­ղու» կա­ռու­ցու­մը կմեկ­նար­կի 2026 թվա­կա­նի երկ­րորդ կե­սին: Թե ին­չու այդ­քան ուշ, նա այլ գոր­ծոն­նե­րից զատ, դա կա­պեց նաեւ Թ­րամ­փի թի­մի աշ­խա­տան­քա­յին ծան­րա­բեռն­վա­ծութ­յան հետ:

­Բայց չմո­ռա­նանք՝ ի սկզբա­նե խոս­վում է, թե սա, ոչ ա­վել, ոչ պա­կաս, հա­մաշ­խար­հա­յին նշա­նա­կութ­յան նա­խա­գիծ է` դրա­նից բխող ե­կամ­տա­բե­րութ­յամբ: Ու հի­մա ի՞նչ է ստաց­վում. ըն­դա­մե­նը 42 կի­լո­մետ­րա­նոց եր­կա­թու­ղի է պետք այդ բազ­մա­մի­լիարդ ե­կա­մուտ­նե­րին հաս­նե­լու հա­մար, այն էլ՝ ժա­մա­նա­կին ե­ղած եր­կաթ­ո­ւղա­յին ուղ­ղութ­յամբ, ո­րը բազմա­պա­տիկ հեշ­տաց­նում է գոր­ծը: Ու դրա հա­մար մի ամ­բողջ տա­րի՞ է պետք, որ աշ­խա­տանք­նե­րը սկսեն: Չէ, նման դան­դաղ­կո­տութ­յու­նը մի տե­սակ հա­մա­հունչ չէ գոր­ծա­րար-նա­խա­գահ Թ­րամ­փի ո­ճին:

­Թե՞ ԱՄՆ-ում ո­րո­շել են սպա­սել հա­յաս­տան­յան ընտ­րութ­յու­ննե­րի արդ­յունք­նե­րին, որ նոր միայն վերջ­նա­կա­նա­պես կողմ­նո­րոշ­վեն նման նա­խագ­ծի հար­ցում: Ե­թե այդ­պես է, ա­պա ի՞նչ է, կաս­կա­ծո՞ւմ են, որ ի­րենց «դե­մոկ­րա­տիա­յի ճրա­գը» կա­րող է ա­ռանց ո­րե­ւէ խնդրի վե­րընտր­վել: Չ­նա­յած, ե­թե «մուշ­տա­րու աչ­քով» այլ պո­տենց­իալ թեկ­նա­ծու­նե­րի էլ են տնտղում, ե­րե­ւի ի­րո՞ք կաս­կա­ծում են…

Եվ այդ դեպ­քում Զե­լենս­կու շուրջ զար­գա­ցող ի­րա­վի­ճա­կը Նի­կո­լի հա­մար ի­րոք պետք է որ շատ հե­տաքր­քիր լի­նի: Ի­հար­կե, նաեւ հաշ­վի առ­նե­լով ռու­սա­կան ցո­րե­նի հետ կապ­ված նյո­ւանս­նե­րը:

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մենք չենք կարող գեղեցկացնել ընտրությունների արդյունքները, դրանք աղետ են. Մերց Ռուսական բանակը կարող է մտնել Զապորոժե այս ձմռանը. Ուկրաինական հրամանատար ՇՏԱՊ. 36-ամյա գործարարին մահացած են գտել. Հրապարակ