Ինչու Աբրահամ սրբազանը շտապեց խոնարհվել Նիկոլի առաջ. ԲԱՑԱՀԱՅՏՈՒՄ

Կիրակի օրը Նիկոլ Փաշինյանի հերթական «պատարագ օպերացիան» տեղի ունեցավ Վայոց ձորի Խաչիկ գյուղի Սուրբ Աստվածածին եկեղեցում: Պատարագը մատուցեց Հովհաննավանքի կարգալույծ արված նախկին քահանա Ստեփան Ասատրյանին սատարած երեք «հրացանակիրներից» երրորդը՝ կարծես, արժանապատվությունը Փաշինյան Նիկոլի ոտքերի տակ մատաղ արած՝ Տեր Հովհաննես քահանա Մաթեւոսյանը։ Սակայն, ուշագրավը ոչ թե սա էր, այլ այն, որ այս անգամ  «պատարագ օպերացիային» հայտնվեց նաեւ Վայոց ձորի թեմի առաջնորդ Տ. ԱԲՐԱՀԱՄ արքեպիսկոպոս ՄԿՐՏՉՅԱՆԸ։ Թե ինչու նա, Լեհաստանում ՀՀ նախկին դեսպան, ՍԴ աշխատակազմի նախկին ղեկավար ԷԴԳԱՐ ՂԱԶԱՐՅԱՆԸ մանրամասներ է բացահայտել՝ հրապարակելով Աբրահամ սրբազանի լուսանկարը՝ քաղաքացիական հագուստով, ԵՄ միջոցառումներից մեկի ժամանակ:

«Քաղաքացիական հագուստով կարմիր շրջանակի մեջ առանձնացված անձը Հայ Առաքելական Սուրբ եկեղեցու Վայոց ձորի թեմի առաջնորդն է, ով այսօր Խաչիկ գյուղում մասնակցել է Հայ առաքելական եկեղեցու դեմ պայքարի դուրս եկած, հազարավոր վանքեր ու տաճարներ թշնամուն հանձնած Նիկոլ Փաշինյանի կազմակերպած քաղաքական արշավին։ Այս նկարում նա մասնակցում է ԵՄ քաղաքացիական դիտորդական առաքելության միջոցառմանը։ ԵՄ քաղաքացիական դիտորդական առաքելությունը մեր եկեղեցու հետ կապ չունի, սակայն կապ ունի սրբազանի հետ անձնապես, որովհետեւ իր հերթական ձախողումների մեկի` լուծարված «Գիտելիք» համալսարանի տարածքը վարձակալությամբ է հանձնված ԵՄ դիտորդներին։ Նրա բիզնեսների ամբողջական ցանկը դժվար է հրապարակել, բայց ինքը դա իմանալով է միացել եկեղեցու դեմ պայքարին», - ընդգծել է Էդգար Ղազարյանը։

Քաղաքական գործիչը հույս է հայտնել, որ Հայ Առաքելական եկեղեցին առաջիկայում մեզ կուրախացնի նաեւ ոչ միայն անպատիվ ծխական քահանաների, այլ՝ նման սրբազանների կարգալույծ հռչակելու որոշումներով։

Այս թեմայով Ախր Նիկոլ Փաշինյանը սկի տուն էլ չունի, որ գնան, խուզարկեն, զոքանչի տան վրա ա գրանցված. Է․ Ղազարյան Փաշինյանը կարող ա մի օր էլ շարական երգի, մենք իրան հարց չունենք, ինքը պիտի հեռանա. Ղազարյան Խորհրդարանական ընդդիմությունը, կողմ ըլլալով, դեմ է ԹՐԻՓՓ-ին. Էդգար Առաքելյան Վարչաբենդի պարային խմբում եք հանդես եկել, առաջիկայում համերգներ նախատեսվա՞ծ են. Ղազարյան Էդգար Ղազարյանը՝ ԱԺ աշխատակազմի ղեկավարին․ Ընչի՞ եք ինձ էդքան փող տալիս.