Անկախ նրանից՝ վերահաշվարկ իրականացնելու դիմում կլինի, թե ոչ, թիվ 14 ԸԸՀ-ն 3 տեղամասի արդյունքներ կվերահաշվարկի. ԿԸՀ

ԿԸՀ-ն ներկայացրել է վերահաշվարկի դիմումների ներկայացման կարգը և ժամկետները։

Վերահաշվարկ իրականացնելու դիմումների համար Ընտրական օրենսգիրք սահմանադրական օրենքով սահմանված ժամկետներն են նոյեմբերի 17՝-ը 12։00-ից մինչ 18։00 և նոյեմբերի 19-ը՝ 09։00-ից մինչ 11։00-ն։ Վերահաշվարկ իրականացնելու դիմումները պետք է ներկայացվեն Վաղարշապատ համայնքի ընտրությունները իրականացրած թիվ 14 ԸԸՀ։

ԿԸՀ-ից հիշեցնում են նաև, որ Ընտրական օրենսգիրք սահմանադրական օրենքի կարգավորումների համաձայն, թիվ 14 ԸԸՀ-ն, Կենտրոնական ընտրական հանձնաժողովի սահմանած կարգով իրականացված վիճակահանությամբ, պատահականության սկզբունքով ընտրում է իր սպասարկման տարածքում գտնվող երեք ընտրական տեղամաս, որտեղ գրանցված քվեարկության արդյունքները պետք է վերահաշվարկվեն: Անկախ նրանից՝ վերահաշվարկ իրականացնելու դիմում կլինի, թե ոչ, թիվ 14 ԸԸՀ-ն պատահականության սկզբունքով ընտրված 3 տեղամասի արդյունքներ պետք է վերահաշվարկի:

Հիշեցնենք, որ նոյեմբերի 16-ին, Վաղարշապատում կայացած ՏԻՄ ընտրությունների արդյուքներով  «Քաղաքացիական պայմանագիր» կուսակցությունը ստացել է 15 հազար 298 քվե: ՔՊ կուսակցության ցուցակը գլխավորել է Արգիշտի Մեխակյանը:

Այս թեմայով Իրազեկում․ Արմավիրի մարզի Վաղարշապատ համայնքի Աղավնատուն բնակավայրում գործարկվելու է էլեկտրաշչակ Վաղարշապատում կրակահերթ է հնչել. թիրախում՝ քրեական աշխարհում հայտնի անձ. «Իշխանություն» Արշակն ինչքան պատերազմում հաղթեց, այնքան էլ` ընտրություններում Հայտնի են Վաղարշապատում ընտրությունների առաջին արդյունքները (Թարմացվող) Քվեարկությանը մասնակցել է ընտրական իրավունք ունեցողների 45.12 տոկոսը․ ԿԸՀ