Թմրանյութ իրացնողներին բռնել են Լուկաշինի փողոցում

ՆԳՆ-ից հայտնում են.

«Պարեկները ծառայություն իրականացնելիս նոյեմբերի 15-ի գիշերը մայրաքաղաքի Լուկաշինի փողոցում նկատել են «Նիսան» մակնիշի ավտոմեքենայի վարորդի և ուղևորի կասկածելի վարքը. պարեկներին տեսնելուն պես՝ ուղևորը մեքենայից նետել էր պոլիէթիլենային տոպրակ, որում կային կպչուն ժապավենով տասնյակ փաթեթներ։

Ժամը 01։45-ին, Լուկաշինի փողոցի հետնամասում, թմրամիջոցներ իրացնելու կասկածանքով, պարեկները ձերբակալել և Համայնքային ոստիկանության Մաշտոցի բաժին են ներկայացրել Էջմիածնի բնակիչ 25-ամյա ուղևորին և Գորիսի բնակիչ 32-ամյա վարորդին:

Պարզվել է, որ տոպրակում կա ավելի քան 150 փաթեթ։

Վարորդը հայտնել է, որ փաթեթներում մարիխուանա տեսակի թմրամիջոց է։

Կազմված փաստաթղթերն ուղարկվել են քննչական բաժին: Հանգամանքները պարզվում են»:

Այս թեմայով Աջափնյակում շրջող օտարերկրացու մոտ 51 փաթեթ կոկաին է հայտնաբերվել Ժողովուրդ». Թմրանյութ շարողների «մաֆիան» ահաբեկում է գյուղացիներին. ծեծ, խուզարկություն Ավանի համայնքային ոստիկանները թմրամիջոցի 30 փաթեթ են հայտնաբերել Հայտնաբերվել է 318 գրամ մեթամֆետամին Դավթաշենի համայնքային ոստիկանները թմրանյութի իրացման դեպք են կանխել