«ՀՖՖ-ՈՒՄ «ԲԻԶՆԵՍՄԵՆՆԵՐԻ» ՀԱՎԱՔԱԾՈՒ ԵՆ, ՏՈՄՍԵՐԻ ՎԱՃԱՌՔՈՎ ԵՆ ԶԲԱՂՎՈՒՄ». ՖՈՒՏԶԱԼԻ «ԱՎԱՆ» ԱԿՈՒՄԲԻ ՆԱԽԿԻՆ ՆԱԽԱԳԱՀ ԱՐՄԵՆ ԱԼԱՎԵՐԴՅԱՆ

 Հայկական ֆուտբոլը, բառի բուն իմաստով, հայտնվել է անդունդում։ Դրա հերթական ապացույցն է նոյեմբերի 16-ին Աշխարհի առաջնության ընտրական մրցաշարի վերջին տուրի խաղում Պորտուգալիայի հավաքականից կրած խայտառակ 1։9 հաշվով պարտությունը։

Այս պարտության պատճառների մասին Iravunk. com -ի մարզական լրագրողին պատմեց Ֆուտզալի «Ավան» ակումբի նախկին նախագահ ԱՐՄԵՆ ԱԼԱՎԵՐԴՅԱՆԸ։

- Ասեմ, որ այնքան խոշոր հաշվով է պարտությունը, որ հնարավոր չէ որևէ կերպ արդարանալ։ Եթե դու /գլխավոր մարզիչը /համարում ես ձախողումը խաղին պատրաստ չլինելը, ապա պիտի ընտրես խաղի այլ տակտիկա, գոնե երկրպագուներին հարգելով։ Գոնե այնպես անեին, որ այդքան խոշոր հաշվով պարտություն չգրանցվեր, ինչպես, օրինակ, օրեր առաջ Հունգարիայի հետ խաղում գրանցվեց, գոնե 1։0 հաշվով պարտվեցինք։ Այս թիմից սպասելիքները անհնարին են։ Ես տղաներին չեմ քարկոծում, խնդիրը համակարգային է։ Շուրջ 5-6 տարի է, ֆեդերացիան ցույց է տալիս, թե իբր լուծում է խնդիրները, բայց փաստը մնում է փաստ, որ չի լուծում։

Հայաստանի Ֆուտբոլի ֆեդերացիայում «բիզնեսմենների» հավաքածու են, տոմսերի վաճառքով են զբաղվում, շինարարական բիզնեսներով, իբր ֆուտբոլի նոր խաղահրապարակներ, մարզադաշտեր են կառուցում։ Խնդիրը թիմի ավագ մարզչինն է։

Եղիշե Մելիքյանը, գիտենք, որ նախկինում «Փյունիկի» գլխավոր մարզիչն էր, նա այնտեղ առաջ գնաց միայն Արթուր Սողոմոնյանի շնորհիվ. վերջինս արտերկրից լավագույն ֆուտբոլիստների ներգրավեց ու ֆինանսական մեծ հոսքեր, դրա համար էլ արդյունք կար «Փյունիկ» ակումբում։ Իսկ ահա հավաքականում լրիվ այլ վիճակ է։Այսպիսի ֆուտբոլիստներով հնարավորություն չունի տվյալ մակարդակի թիմ ունենալ, որ կարողանա արդյունք գրանցել։ Եղիշե Մելիքյանը միջին մակարդակի մարզիչ է, նա, որ ասում է դուխով խաղացեք։ Հենց դա շատ սխալ է, քանի որ ֆուտբոլը խելքի խաղ է, առաջին հերթին պետք է գլխով, ուղեղով մտածել, հետո նոր խփել։ Որպեսզի լավ արդյունք, դրական փոփոխություն ունենանք մեր հավաքականում, ապա պիտի լուրջ մասնագետներ ներգրավենք։ Եղիշե Մելիքյանն ինչ պիտի կարողանա անել։ Սողոմոնյանին վատաբանելով, նա մտածում էր, թե կկայանա, սակայն այդպես չէ իրականում։

Սողոմոնյանը եկավ ՌԴ - ից, նրա շնորհիվ «Փյունիկ» ակումբը մեծ զարգացում ունեցավ։ Հայկական ֆուտբոլին շատ սրտացավ վերաբերմունք է հարկավոր, պետք է խթանել նաև մանկապատանեկան ֆուտբոլի զարգացումը։

Ի տարբերություն երկրպագուների, ես մեծ սպասելիքներ, ցավոք, չունեմ մեր ֆուտբոլից, միակ լուծումը այն է, որ ֆեդերացիայի նախագահը, գլխավոր մարզիչը հեռանան իրենց ողջ թիմով։ Այնպիսի մասնագետներ լինեն, ովքեր կկարողանան ետ բերել մեր ֆուտբոլի նախկին փառքը, ինչպես Արարատ 73-ի օրոք էր։ Մի պարզ օրինակ բերեմ. 50 կգ քաշային բռնցքամարտիկը կարող է մրցել 120 կգ - անոցի դեմ. Իհարկե, ոչ։ Այնպես էլ մեր թիմն է Պորտուգալիայի կամ այլ թիմի դեմ։ Մեր հավաքականում, ցավոք, չկա աշխատանք, լուրջ զբաղվող մասնագետ, հենց դրա համար էլ 1։9 հաշվով խայտառակ պարտություն կրեցինք։ Դեռ ավելի խոշոր հաշվով էլ կլինեն պարտություններ, քանի սրանք են ֆուտբոլի «ղեկին» նստած։ Մելիքյանը չի կարողանում նույնիսկ տակտիկական խնդիրները լուծել, չկա խաղային կարգապահություն. լրիվ 0 է։ Մարզչի գործը առաջին հերթին հենց կարգապահությունն է, նույնիսկ բակային խաղերում չկա նման բան։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով