ՇՏԱՊ. WhatsApp-ով նոր հանցավոր ալիք է գործում. թիրախում ՀՀ քաղաքացիներն են

WhatsApp-ով նոր հանցավոր ալիք․ Նիգերիական խաբեբաները թիրախավորել են Հայաստանի քաղաքացիներին։ Այս մասին ահազանգում է հայտնի տեղեկատվական անվտանգության փորձագետ ԱՐՍԵՆ ԼԵՎՈՆՅԱՆԸ.

Հայաստանի քաղաքացիները կրկին հայտնվել են միջազգային հանցավոր խմբակների թիրախում։ WhatsApp հավելվածով վերջին օրերին տարածվում է նոր, խիստ վտանգավոր և կազմակերպված խաբեության սխեմա, որն արդեն իսկ հաջողությամբ գրավել է մի շարք մարդկանց վստահությունը՝ գողանալով նրանց անձնական տվյալները և գումարները։

Սխեման կառուցված է հոգեբանական մանիպուլյացիայի, ողորմության զգացումի շահարկման և «դրամական ժառանգության» կեղծ խոստումների վրա։ Եվ ամենազարմանալին այն է, որ հազարավոր կիլոմետրերի հեռավորությունից գործող հանցախմբերը հստակ գիտեն՝ մեր տարածաշրջանում ով է ավելի խոցելի։

Սխեման սկսվում է միանգամայն «անմեղ» հաղորդագրությամբ, որոնք WhatsApp-ում ստանում են Հայաստանի քաղաքացիները։ Հաղորդագրության հեղինակը ներկայացնում է իրեն որպես ֆրանսուհի կին, հաճախ «տատիկ», որն իբր ծանր հիվանդ է՝ քաղցկեղի վերջին փուլում, միայնակ է և ցանկանում է իր ողջ ունեցվածքը բաժանել «բարի մարդկանց»։

Շատերը սա կկարդան ու կհեռացնեն։ Բայց հենց այդ «շարունակ, բայց անմեղ» մարդիկ են դառնում թիրախ՝ հատկապես բարձր սթրեսային պայմաններում ապրող քաղաքացիները, ովքեր հավատում են փոքրիկ հրաշքի կամ ճակատագրի նշանի։

Հանցախումբը հաջորդիվ զոհին ուղարկում է «իր փաստաբանի» համարը։ Ահա այստեղ սկսվում է իրական թակարդը։

Երբ քաղաքացին գրում է այդ անձին, ներկայացող փաստաբանը ուղարկում է պատրաստի փաստաթուղթ, որտեղ նշվում է, որ տվյալ անձը արդեն իսկ հանդիսանում է մեծ ունեցվածքի կամ գումարի ժառանգորդ։

Այդ փաստաթուղթը ձևակերպված է այնքան պրոֆեսիոնալ, այնքան «իրական», որ անգամ իրավաբանությամբ զբաղվող մարդիկ կարող են մի պահ շփոթվել։ Եվ հենց այստեղ է զոհը կորցնում զգոնությունը։ Նա սկսում է լրացնել իր տվյալները՝ անուն, ազգանուն, հասցե, անձնագրի սերիա, հեռախոսահամար, բանկային տվյալներ: Այդ ամենը ուղիղ փոխանցվում է հանցավոր խմբակին՝ դարձնելով մարդուն թիրախ հաջորդ ծանր փուլում։

«Փաստաբանը» երկրորդ փուլում արդեն կապ է հաստատում զոհի հետ։ Եվ սա այն պահն է, երբ դրվում է վերջնական կետը՝ ասում է, որ գումարը ձեզ է փոխանցվելու, բայց ինքն անչափ զգույշ է, քանի որ խոշոր փոխանցումներ կան, ու նախքան իրական փոխանցումը դուք պետք է կատարեք «փոքրիկ վճարում»՝ իբր վստահության համար։

Մեկ վճարումից հետո նրանք թալանում են ձեզ մինչև վերջ։
«Փոքրիկ վճարումը» դառնում է երկրորդը, երրորդը, չորրորդը… ամեն անգամ նոր պատճառաբանությամբ։ Զոհը նույնիսկ չի նկատում՝ ինչպես է կորցնում իր ամբողջ գումարները։
Այս մարդիկ իրականում կորցնում են ոչ միայն իրանց  գումարները, այլև ինքնասիրությունը, վստահությունը և երբեմն էլ կյանքի հանդեպ հավատը։ Սա պարզապես խաբեություն չէ սա հոգեբանական պատերազմ է։ Նիգերիական նման խմբակները տարիներ շարունակ ունեին իրենց թիրախները՝ հիմնականում Եվրոպայում։ Բայց հիմա նրանք հստակ տեղափոխվել են Արևելյան Եվրոպա և Կովկաս, որտեղ սոցիալական ճգնաժամերը, ֆինանսական դժվարությունները և հոգեբանական խոցելիությունը ավելի մեծ է։ Հայաստանը դարձել է նախընտրելի թիրախ։ Սա պատահական չէ։ Նրանք գիտեն, որ մեր հասարակության մեջ շատերն են հավատում՝
«Աստված կտա» արտահայտությանը։ Եվ հենց այս հավատն է, որ օգտագործվում է որպես սվին։

Այս թեմայով Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով «Ժողովուրդ». Լենա Նանուշյանի նոր ձախողումների շարքը Իրանի միջուկային զենք ստեղծելու վերջին զգուշացումը հղեց