ԱԱ. Հայ բռնցքամարտիկների հաջող մեկնարկը

Դուբայում ընթացող բռնցքամարտի աշխարհի առաջնությունում Հայաստանի ներկայացուցիչները հաղթական մեկնարկ ունեցան:

Հայաստանի առաջատար բռնցքամարտիկ Հովհաննես Բաչկովը վստահ հաղթանակով է սկսել իր ելույթները ընթացիկ մրցաշարում։ Այս մասին տեղեկացնում է Հայաստանի բռնցքամարտի ֆեդերացիայի մամուլի ծառայությունը։

Հայ մարզիկը մենամարտն ավարտել է ժամանակից շուտ՝ առավելության հասնելով Քենիան ներկայացնող Վիսման Միվատեի նկատմամբ։

​Մենամարտի ընթացքում Բաչկովի դիպուկ և ուժգին հարվածաշարերից հետո մրցակիցը մի քանի անգամ հայտնվել է նոկդաունում։ Մրցավարը, գնահատելով իրավիճակը, որոշում է կայացրել դադարեցնել մենամարտը՝ գրանցելով հայ բռնցքամարտիկի վաղաժամ հաղթանակը։

​Ավելի վաղ հաջողություն էր գրանցվել նաև Հայաստանի մեկ այլ ներկայացուցչի՝ Արմեն Մաշակարյանի օգտին։ Վերջինիս մրցակիցը չի ներկայացել մենամարտին, ինչի արդյունքում գրանցվել է տեխնիկական հաղթանակ։

Այս թեմայով Նունե Ասատրյանը` բռնցքամարտի աշխարհի չեմպիոն ԱԱ. Հայաստանի ներկայացուցիչներն լքել են պայքարը ԱԱ. Էլիդա Քոչարյանի հաղթական մեկնարկը (տեսանյութ) Մարզչական փոփոխություններ բռնցքամարտի Հայաստանի հավաքականներում Էլիդա Քոչարյանը երկրորդ անգամ անընդմեջ դարձել է բռնցքամարտի Եվրոպայի երիտասարդների առաջնության չեմպիոն