Ընկույզ ուտելը նվազեցնում է քաղցրավենիքի նկատմամբ հակումը. Nutrients

Վանդերբիլտի համալսարանին առընթեր Բժշկական կենտրոնի գիտնականները պարզել են, որ սննդի ընդունումների արանքում ընկույզ ուտելը նվազեցնում է քաղցրավենիքի նկատմամբ հակումը և բարելավում է նյութափոխանակության համախտանիշի ռիսկին ենթարկված չափահաս երիտասարդների սննդակարգի որակը։

Հետազոտությանը մասնակցել է ավելորդ քաշով 22-36 տարեկան 84 անձ, որոնք ունեին նյութափոխանակության համախտանիշի առնվազն մեկ ռիսկի գործոն. վիճակ, որը բնութագրվում է բարձր արյան ճնշմամբ, որովայնին ավելորդ ճարպով, անոմալ լիպիդային պրոֆիլով կամ ինսուլինի նկատմամբ զգայունությամբ։

Մասնակիցները 16 շաբաթվա ընթացքում պատահականորեն բաժանվել են երկու խմբի։ Առաջին խմբին հանձնարարվել է թեթևակի սնվել ծառի ընկուզեղենով (նուշ, ընկույզ, պիստակ, պեկան, գետնանուշ և այլն), մինչդեռ երկրորդ խումբն օգտագործել է ծանոթ ածխաջրածնային խորտիկներ, մասնավորապես՝ թխվածքաբլիթներ, կրեկերներ և շոկոլադի սալիկներ։ Խորտիկների կալորիականությունը նույնն էր։

«Ընկույզ» խմբի մարդիկ զգալիորեն նվազեցրել են քաղցրավենիքի և արագ սննդի նկատմամբ ուժեղ հակման դրվագների քանակը։ Այս փոփոխությունները համընկել են քաղցրավենիքի և աղի խորտիկների օգտագործման հաճախականության նվազման, ինչպես նաև նրանց սննդակարգում սպիտակուցի համամասնության աճի հետ։ Վերահսկիչ խմբում, որտեղ մասնակիցների նախուտեստն ածխաջրերն էին, սննդային նախասիրությունների նկատելի փոփոխություններ չի եղել, մինչդեռ մրգի օգտագործումը իրականում նվազել է։

Հեղինակները նշում են, որ նույնիսկ որպես նախուտեստ ընկույզի տեսքով սննդակարգի փոքր փոփոխությունը նյութափոխանակության ռիսկի վաղ նշաններ ունեցող մարդկանց կարող է օգնել, որ բարելավվի սննդային վարքագիծը և կրճատվի բարձր կալորիականությամբ «հաճույքի համար» սննդի օգտագործումը։

Այս թեմայով ԱԲ-ն գուշակ չէ. Տեղեկատվական անվտանգության փորձագետը զգուշացնում է Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Նման ձեւակերպումը անընդունելի է մարզպետի կողմից՝ ուղղված ռուս ազգի նկատմամբ․Աղազարյանը Շիրակի մարզպետի ռասիստական հայտարարության վերաբերյալ 13 թիվը, սև կատուներն ու հայելիները․ ինչու ենք վախենում սնահավատությունից ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին