Հաջորդ տարվա հունվարից կամ փետրվարից Գերմանիայի դեսպանատանն այլևս հերթեր չեն լինի․ Փաշինյան

Շատ կարևոր նորություն իմացանք երեկ Բեռլինում, երբ Հայաստանի Հանրապետությունում Գերմանիայի դեսպանը ասաց, որ մյուս տարվանից, հունվարից կամ գուցե փետրվարից Գերմանիայի դեսպանատանը այլևս հերթեր չեն լինի։ Այս մասին Համբուրգում հայ լրագրողների հետ հանդիպման ժամանակ նշեց վարչապետ Նիկոլ Փաշինյանը։

«Ընդ որում մենք արդեն բավականին երկար ժամանակ աշխատում ենք Եվրամիության մեր գործընկերների հետ, ասելով, որ մարդիկ մեզ չեն հասկանում, որովհետև ասում են՝ լուրերով նայում ենք, որ Եվրամիության հետ հարաբերությունները կարգավորվել են, իսկ միայն վիզա ստանալու դիմում հանձնելու համար մարդիկ 10 ամիս ստիպված են սպասել։ Եվ հիմա առաջին արձագանքը Հայաստանի Հանրապետությունում Գերմանիայի դեսպանատանն էր, որտեղ ամենաբարձր մակարդակով պաշտոնապես հայտարարվեց, որ մյուս տարվա սկզբից այլևս հերթ ընդհանրապես գոյություն չի ունենալու: Եվ հիմա հույս ունեմ, որ այս մոտեցումը շղթայական կշարունակվի նաև մյուս դեսպանատների դեպքում և մենք այս խնդրից կազատվենք»,–ասաց նա։

Այս թեմայով «Ժողովուրդ». Փաշինյանը մեկնելու է Գերմանիա Թուրքիան ու Գերմանիան կքննարկեն Հորմուզի նեղուցի շուրջ ստեղծված վիճակը Քաղաքապետարանը վերածել նուդիստական վայր․ ավագանու անդամի սկանդալային առաջարկը Գերմանիան կրկնակի կրճատել է ՀՆԱ-ի աճի կանխատեսումը՝ Իրանի հետ պատերազմի պատճառով Ինչպես են նշում մարտի 8-ը տարբեր երկրներում