Բաքվում գերության մեջ գտնվող Վիգենի կինը դիմել է Ալիևային՝ խնդրելով ներում շնորհել ամուսնուն

Բաքվում գերության մեջ գտնվող լիբանանահայ Վիգեն Էուլջեքչյանի կինը՝ Լինդա Էուլջեքչյանը, դիմել է Ադրբեջանի նախագահի կնոջը՝ Մեհրիբան Ալիևային՝ խնդրելով ներում շնորհել ամուսնուն։ Համապատասխան նամակը հրապարակվել է X սոցիալական ցանցում, որն ուղղել է դեռևս օգոստոսի 1-ին։

«Դիմում եմ ձեզ ոչ միայն որպես Ադրբեջանի առաջին փոխնախագահ, այլև որպես կին, մայր և դուստր։ Ես Վիգեն Էուլջեքչյանի կինն եմ, որն արդեն 5 տարի է Ադրբեջանում անազատության մեջ է։ Թեև Վիգենը արժանապատվորեն դիմանում է իր բանտարկությանը, բայց նրա բացակայությունը ցավալի դատարկություն է թողնում մեր ընտանիքում։ Նրա մայրը մահացավ, երբ նա ճաղերի հետևում էր. նրան մերժեցին ողբալու, թաղելու իրավունքից։ Այժմ էլ իմ մայրը՝ Վիգենի զոքանչը, քաղցկեղի վերջին, ծանր փուլում է։ Մայրս կամ չի խոսում, կամ երբեմն Վիգենի անունն է շշնջում։

Սրտիս խորքից խնդրում եմ Ձեզ՝ օգնեք մեզ։ Թող նա վերադառնա տուն։ Թող նա կարողանա պատվել այն, ինչ դեռ մնացել է։ Թող նա կրի այն կնոջ ժառանգությունը, որը գուցե չապրի տեսնելու նրա ազատությունը»,- գրել է Լինդան։

Այս թեմայով Հայտնի իրավապաշտպանը հրատապ հայտարարությամբ է հանդես եկել Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Չմտածված հայտարարություններով հնարավոր է միայն սրել իրավիճակը.Տնտեսագիտության դոկտորը ԵՏՄ-ից դուրս գալու մասին Բլոգեր «Գեորգիքսը» և «Առաջին լրատվականի» լրագրող ներկայացած անձը կասկածվում են շորթում կատարելու, շանտաժի մեջ Երևանում 3 անչափահաս տղաների ծայրահեղ ծանր վիճակում երեկ տեղափոխել են հիվանդանոց