«Խաղաղության» թուղթ՝ Նիկոլի, ադրբեջանական բենզին՝ Խաչատուր Սուքիասյանի համար

Նիկոլ Փաշինյանը հանուն իր աթոռի պահպանման ու կաշվի փրկության դիմում է արտաքին ուժերի, այդ թվում՝ Թուրքիայի ու Ադրբեջանի աջակցությանը։ Օրերս բացահայտվեց, որ Նիկոլը դիմել է ԵՄ-ին, որպեսզի այդ կառույցի չիովնիկներն իրեն աջակցեն 2026-ի խորհրդարանական ընտրությունների ժամանակ՝ մոլդովական տարբերակով։ Նիկոլը նաեւ Հայաստանի հանդեպ թշնամաբար տրամադրված երկրներին է օգնության կանչում։ Իրեն պետք է «խաղաղություն» բառը պարունակող թուղթ, որը կկարողանա թափահարել ԱԺ ընտրությունների ժամանակ՝ միամիտներին հավատացնելով, թե, իբր, իրական խաղաղություն է բերել։ Այդ թուղթը նա մուրում է Ալիեւից։ Վերջինս դրա դիմաց բազում զիջումներ է պահանջում ու ստանում։

Նիկոլին խաղաղության իմիտացիա է պետք, իսկ Ադրբեջանին՝ Հայաստանի կողմից իրական զիջումներ։ Դատելով դեպքերի ընթացքից՝ Նիկոլն ու Ալիեւն այս հարցում համաձայնության են եկել։ «Խաղաղության» այդ իմիտացիայի շրջանակներում է Ադրբեջանով ցորեն բերվում։ Հիմա էլ անցել են բենզինին։ Ադրբեջանական բենզինի շահառուն, ըստ շրջանառվող խոսակցությունների, Նիկոլ Փաշինանի սիրելի օլիգարխներից մեկն է՝ ԱԺ պատգամավոր Խաչատուր Սուքիասյանը։ Նրա հետ փոխկապակցված ընկերությունն է ստանալու ադրբեջանական բենզինը։ Դա ցուցադրական ակցիա է լինելու, որպեսզի Նիկոլը կարողանա միամիտներին համոզել, թե տեսեք, ինչ լույս բացվեց Հայաստանի գլխին, երբ պարտվեցինք պատերազմում, ունեցանք հազարավոր զոհեր եւ Ադրբեջանին ենք հանձնում «Զանգեզուրի միջանցքը»։

Ի դեպ, Վրաստանի իշխանությունները սկզբում դեմ էին իրենց տարածքով Ադրբեջանից դեպի Հայաստան տեղափոխվող բենզինին, ինչը հասկանալի է։ Բայց երբ Հայաստանից սիգնալներ ստացան, որ դա մեկանգամյա ցուցադրական ակցիա է լինելու, համաձայնեցին առանց որեւէ գումարի այդ տրանզիտն ապահովել։ Նիկոլենք հիմա փորձելու են «փչել» ադրբեջանական բենզինի թեման, որպեսզի ցույց տան, թե տեսեք, թե ինչ լավ խաղաղություն ենք բերել, բայց այդ ամենը ընդամենը նախընտրական փիառ ակցիա է, որովհետեւ Ադրբեջանը ոչ մի խաղաղության չի գնում։ Ճիշտ հակառակը՝ խոսում է «արեւմտյան Ադրբեջանից» ու «փախստականների» վերադարձից։

Այս ամենի արանքում շահում է Խաչատուր Սուքիասյանը, ով ադրբեջանական բենզին է ստանալու։ Շահում է Նիկոլը, ով էժանագին փիառ է անելու։ Շահում է Ալիեւը, ով ռեալ զիջումներ է ստանում Հայաստանից։ Միակ տուժողը Հայաստանն է։ Ու միայն այս իրավիճակի կտրուկ փոփոխությունը հնարավորություն կտա չկլանվել Թուրքիայի ու Ադրբեջանի կողմից։ Դրա առաջին նախապայմանը Նիկոլի հեռացումն է։

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ձերբակալվել է Մեղրիի քաղաքապետ Խաչատուր Անդրեասյանը ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները Նախապատվելի կլիներ, որ ընտրություններից առաջ լիներ ավելի ընդգրկուն եւ լայն համախմբում. Մանուկ Սուքիասյան Ով է Խաչատուր Հունանյանի կինը. բացառիկ կադրեր