Նախընտրական բենզին՝ ադրբեջանական բույրով

Նիկոլ Փաշինյանը հանուն իր աթոռի պահպանման ու կաշվի փրկության դիմում է արտաքին ուժերի, այդ թվում՝ Թուրքիայի ու Ադրբեջանի աջակցությանը։ Օրերս բացահայտվեց, որ նա դիմել է Եվրամիությանը, որպեսզի այդ կառույցի չիովնիկներն իրեն աջակցեն 2026-ի խորհրդարանական ընտրությունների ժամանակ՝ մոլդովական տարբերակով։ Նիկոլը նաեւ Հայաստանի հանդեպ թշնամաբար տրամադրված երկրներին է օգնության կանչում։ Իրեն պետք է «խաղաղություն» բառը պարունակող թուղթ, որը կկարողանա թափահարել ԱԺ ընտրությունների ժամանակ՝ միամիտներին հավատացնելով, թե իբր իրական խաղաղություն է բերել։ Այդ թուղթը նա մուրում է Ալիեւից։ Վերջինս դրա դիմաց բազում զիջումներ է պահանջում ու ստանում։

Նիկոլին խաղաղության իմիտացիա է պետք, իսկ Ադրբեջանին՝ Հայաստանի կողմից իրական զիջումներ։ Դատելով դեպքերի ընթացքից՝ Նիկոլն ու Ալիեւն այս հարցում համաձայնության են եկել։ «Խաղաղության» այդ իմիտացիայի շրջանակներում է Ադրբեջանով ցորեն բերվում։ Հիմա էլ անցել են բենզինին։ Ադրբեջանական բենզինի շահառուն էլ Նիկոլ Փաշինանի սիրելի օլիգարխներից մեկն է՝ ԱԺ պատգամավոր Խաչատուր Սուքիասյանը։ Նրա հետ փոխկապակցված ընկերությունն է ստանում ադրբեջանական բենզինը։ Սա ցուցադրական ակցիա է, որպեսզի Նիկոլը կարողանա միամիտներին համոզել, թե տեսեք, ինչ լույս բացվեց Հայաստանի գլխին, երբ պարտվեցինք պատերազմում, ունեցանք հազարավոր զոհեր եւ Ադրբեջանին ենք հանձնում «Զանգեզուրի միջանցքը»։

«Մեգա Թրեյդ» ընկերության տնօրեն Կարեն Հայրիյանը «Ազատությանը» տեղեկացրել է, որ ադրբեջանական բենզինը գնած 2 կազմակերպություններից մեկը իրենք են, եւ առաջիկայում այդ բենզինը կվաճառվի ընկերությանը պատկանող «Ռան Օիլ» բենզալցակայանների ցանցում. «Պրեմիում» տեսակի մեկ լիտր բենզինը վաճառվելու է 440 դրամ: «Սիլ Կապիտալ» ընկերությունը տարիներ առաջ ձեռք է բերել «Ռան Օիլ»-ը: «Մեգա Թրեյդը» մտնում է «Սիլ Կապիտալի» մեջ, որը պատկանում է ՔՊ-ական պատգամավոր Խաչատուր Սուքիասյանի ընտանիքին:

«Մեգա Թրեյդը» գնել է շուրջ 600 տոննա ադրբեջանական բենզին: Ի դեպ, հայաստանյան այս ընկերությունը չի ներկրել բենզին Ադրբեջանից, այլ գնել է վառելիքի մեծածախ վերավաճառքով զբաղվող թրեյդինգային ընկերությունից, որի անունը չեն հրապարակում: Իսկ ադրբեջանական բենզին գնած երկրորդ ընկերության անունը դեռ հայտնի չէ:

Ի դեպ, Վրաստանի իշխանությունները սկզբում դեմ էին իրենց տարածքով Ադրբեջանից դեպի Հայաստան տեղափոխվող բենզինին, ինչը հասկանալի է։ Բայց երբ Հայաստանից ազդանշաններ ստացան, որ դա մեկանգամյա ցուցադրական ակցիա է լինելու, համաձայնեցին առանց որեւէ գումարի այդ տրանզիտն ապահովել։ Նիկոլենք հիմա փորձելու են «փչել» ադրբեջանական բենզինի թեման, որպեսզի ցույց տան, թե տեսեք՝ ինչ լավ խաղաղություն ենք բերել, բայց այդ ամենը ընդամենը նախընտրական փիառ ակցիա է, որովհետեւ Ադրբեջանը ոչ մի խաղաղության չի գնում։ Ճիշտ հակառակը՝ խոսում է «արեւմտյան Ադրբեջանից» ու «փախստականների» վերադարձից։

Այս ամենի արանքում շահում է Խաչատուր Սուքիասյանը, ով ադրբեջանական բենզին է ստանալու։ Շահում է Նիկոլը, ով էժանագին փիառ է անելու։ Շահում է Ալիեւը, ով ռեալ զիջումներ է ստանում Հայաստանից։ Միակ տուժողը Հայաստանն է։ Ու միայն այս իրավիճակի կտրուկ փոփոխությունը հնարավորություն կտա չկլանվել Թուրքիայի ու Ադրբեջանի կողմից։ Իսկ դրա առաջին նախապայմանը Նիկոլի հեռացումն է։

ՀՐԱՆՏ ՍԱՐԱՖՅԱՆ

Այս թեմայով Ամփոփվել են հոկտեմբերի 25-ի ՏԻՄ ընտրություններին կուսակցությունների և դաշինքների առաջադրումները Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները