Տարեվերջյան տհաճ անակնկալների պակաս, կարծես թե, չկա. ԶԱՐՄԱՆՔ

Վա՞տ եք զգում ձեզ, ՇՏԱՊՕԳՆՈՒԹՅԱՆ կարի՞ք կա, մի՛ շտապեք հավաքել համապատասխան կարճ համարը, որովհետեւ 2026 թվականի հունվարից անվճար է լինելու տարեկան միայն 8 կանչը՝ չհաշված բացառությունները: Այո, այո, կառավարությունը որոշել է, որ նոր համակարգով շտապօգնության ապահովագրական փաթեթը նախատեսելու է տարեկան ընդամենը 8 անվճար կանչ, մինչդեռ նախկինում նման սահմանափակում գոյություն չուներ։ «Անհասկանալի է՝ ինչի՞ հիման վրա է ընտրվել հենց 8 թիվը. ինչո՞ւ ոչ 12 կամ այլ տրամաբանական շեմ։ Շտապ, անհետաձգելի օգնությունը մաթեմատիկական ճշգրտությամբ սահմանափակելն ինքնին խնդրահարույց է»,- լրատվամիջոցներից մեկի հետ զրույցում պնդում է առողջապահության փորձագետ Ծաղիկ Վարդանյանը: Փորձագետը շեշտում է, որ քաղաքացին չի կարող ինքնուրույն տարբերակել՝ իր վիճակը անհետաձգելի է, թե՝ ոչ: Մինչդեռ 2026-ի հունվարից Շտապօգնության աշխատակիցները կանչին արձագանքելուց իրենք կորոշեն՝ արդյո՞ք իրենց կարիքը կա, թե հիվանդը կարող է նաեւ վերականգվել տեղամասային բժշկի օգնությամբ: «Մարդը կարող է ասել՝ ձեռքն է ցավում, բայց իրականում դա կարող է լինել ինֆարկտ։ Բժշկական գիտելիքներ չունեցող անձից ախտորոշում պահանջելն անհնար է», - զգուշացնում է Վարդանյանը: Ահա այսպես, տարեվերջյան տհաճ անակնկալների պակաս, կարծես թե, չկա:

Իսկ համակարգային խնդիրները ոչ միայն առողջապահության ոլորտում են, այլ նաեւ` մշակույթում: Օրինակ, այն ամենով, ինչով զբաղված է Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի փոխտնօրեն ՎՐԵԺ ԴՈՒՐԳԱՐՅԱՆԸ, ուղղակի, ապշել կարելի է: Օպերային թատրոնում պարզվում է՝ տարեվերջին այնքան անելիք չկա, որ տնօրեն Կարեն Դուրգարյանի եղբայրը, որը վերջինիս տեղակալն է, զբաղված է Մայր Աթոռ Սուրբ Էջմիածնի դեմ գրոհելով: Տեսախցիկները ֆիքսել են, որ դեկտեմբերի 18-ին հենց նա եղել այն խուլիգաններից մեկը, որը Մայր Տաճարի մուտքի խոյակին մագլցած կոչ էր անում գրոհել Մայր Տաճարը: Ասել, որ սա, պարզապես, խայտառակություն է, նշանակում է ոչինչ չասել, միայն թե զարմանալի է՝ որքա՞ն կարող է օպերային թատրոնի ողջ ստեղծագործական կազմը հանդուրժել այն, որ իրենց ղեկավարությունը, մեղմ ասած, իր տեղում չէ:

Կրկին վերադառնանք առողջապահական ոլորտին: Պարզվում է՝ ոլորտի համակարգող ՀՀ առողջապահության նախարար ԱՆԱՀԻՏ ԱՎԱՆԵՍՅԱՆՆ էլ օպերային թատրոնի փոխտնօրենից առանձնապես չի տարբերվում: Միայն թե նա ոչ թե մագլցել է Մայր Տաճարի մուտքի խոյակի վրա, այլ սոցցանցերում է ասպատակում: Տիկին նախարարը բանուգործը թողած՝ իշխանական մամուլի թելն է թելում եւ փորձում Ռուսաստանի եւ Նոր Նախիջեւանի հայոց թեմի առաջնորդ Տ. Եզրաս արքեպիսկոպոս Ներսիսյանին ներկայացնել, իբրեւ գաղտնազերծված գործակալ։ «ԱԱԾ գաղտնազերծված փաստաթղթի ձեւի մասով պրոֆեսիոնալ մեկնաբանություններ անողներ ջան, որ էս բառը սենց պետք ա լիներ էն մեկը նենց, կարո՞ղ է համեմատում եք ձեր ունեցածների հետ ու տարբերություններ եք գտնում, չե՞ք կարծում, որ բոլոր գործակալներինը իդենտիկ նույնը չի: Եթե մարդը հավաքագրող չի եղել ու ոչ էլ հավաքագրվող ի՞նչ գիտի էտ մանրամասները լավ չեմ պատկերացնում», - սրամտել է նախարարը: Անդրադառնալով վերոնշյալին՝ քաղաքագետ Գագիկ Համբարյանը հարց է բարձրացնում. «Անո՛, հիմա դու բժշկուհի՞ ես, կրոնագե՞տ ես, իրավաբա՞ն, ես թե՞ ՝ КГБ-ագետ ես... Ի դեպ, ՌԵՄԱ-իստ մարդդ ո՞ւմ շահերն է Հայաստանում սպասարկում...»:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Ցվայգն ու ՔՊ-ի ցուգցվանգը․ ԶԱՐՄԱՆՔ Թրամփը վրեժ է լուծում Ուկրաինայից, Եվրոպայից և գլոբալիստներից. Կիեւյան քաղաքագետ Անահիտ Հակոբյանը հավաքեց 100 միավոր Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան