Մարադոնայի պատռված մարզաշապիկը վաճառվել է ռեկորդային գնով

Արգենտինացի լեգենդար հարձակվող Դիեգո Մարադոնայի խաղաշապիկը Matchday Football Auctions աճուրդում վաճառվել է ավելի քան 150 հազար եվրոյով, հայտնում է Mundo Deportivo-ն։

Խաղից հետո սկսված զանգվածային ծեծկռտուքի ընթացքում ֆուտբոլիստի մարզաշապիկը պատռվել էր։

​Ինչպես նշվում է լոտի նկարագրության մեջ, հանդերձարանում մարզաշապիկը վերցրել է ակումբի լվացքատան աշխատակցուհին։

Քանի որ այն ենթակա չէր վերամշակման, կինն այն պահել է որպես հուշանվեր, իսկ տարիներ անց նվիրել իր ծանոթին։

Մասունքը շուրջ չորս տասնամյակ մնացել է այդ ընտանիքում՝ ժառանգաբար անցնելով որդուն, մինչև վերջինս որոշել է այն հանել վաճառքի։

​Հենց մարզաշապիկի վնասվածքները՝ պատռվածքի ձևն ու երկարությունը, դարձել են դրա իսկության գլխավոր երաշխիքը և ապահովել դրա եզակիությունը։

​Մարզաշապիկը վաճառվել է 123,6 հազար եվրոյով, սակայն 23% միջնորդավճարը ներառյալ՝ վերջնական արժեքը կազմել է 152,2 հազար եվրո։ Այն դարձել է Մարադոնայի՝ աճուրդում վաճառված ամենաթանկ ակումբային մարզաշապիկը։

​Հիշեցնենք, որ Դիեգո Մարադոնան մահացել է 2020 թվականի նոյեմբերի 25-ին՝ 60 տարեկան հասակում։

Այս թեմայով Հարցմանը մասնակցած գերմանացիների ռեկորդային՝ 82%-ը դժգոհ է Մերցից ԱՄՆ նոր Կոնգրեսը կունենա բացահայտ ԼԳԲՏ-ականների ռեկորդային թիվ Հայտնի իրավապաշտպանը հրատապ հայտարարությամբ է հանդես եկել Polymarket–ը ռեկորդային գործակիցներ է առաջարկում դեմոկրատների հաղթանակի օգտին Գերմանիան ջեռուցման սեզոն է մտնում գազի պաշարների ռեկորդային ցածր մակարդակով. Reuters