Ապրել օրենքով, մտածել ազատ, երբեք չհաշտվել անարդարության դեմ. Հայտնի փաստաբանի ամանորյա ուղերձը

Տարին ավարտվում է, բայց հարցերը մնում են նույնը․
ո՞վ է ղեկավարում մեր կյանքը. կամայականությո՞ւնը, թե՞ օրենքը,
վախը՞, թե՞ արժանապատվությունը։

Աստվածաշնչյան Իրավանորմով պայմանավորված' օրենքը պիտի ունենա դիկտատուրա,
ոչ թե որպես ճնշում, այլ որպես արդարության չափանիշ։
 Դիկտատուրա, որտեղ մարդը պաշտպանված է ոչ թե ուժեղից,
այլ պաշտպանված է օրենքով ,որտեղ իրավունքը գիտություն է բարու և արդարի մասին։

Իրավունքի գերակայությունը թուղթ չէ և կարգախոս չէ․
այն ապրելակերպ  է,
որտեղ մարդուն չեն ստորացնում,որտեղ ամենալավն ապրում է օրինապաշտ քաղաքացին  և չի ծնկում անարդարության առաջ։
Արդարությունը պետության հոգին է։
Երբ այդ հոգին հիվանդ է, հասարակությունը շնչում է դժվարությամբ։
Երբ այն առողջ է, մարդը ապրում է ազատ,բայց ոչ ամենաթող,
 այլ' պատասխանատու ազատությամբ։
Արժանապատիվ կյանքը շքեղություն չէ։
Այն մարդու բնական վիճակն է,
երբ նա չի վախենում խոսել ճշմարտությունը,
չի ամաչում իր համոզմունքներից
և չի զիջում իր իրավունքները ։
   
Թող գալիք տարում
օրենքը լինի ոչ թե մահակ, այլ 'հենարան,
իրավունքը,ոչ թե ընտրովի,փողոցային, այլ 'համընդհանուր,
իսկ մարդը՝ ոչ թե խնդրող, այլ իր արժանապատվության տերը։

Թող Նոր տարին մեզ բերի ոչ միայն նոր օրացույց,
այլ նոր չափանիշներ.
ապրել օրենքով, մտածել ազատ,
երբեք չհաշտվել անարդարության հետ։

Շնորհավոր Նոր տարի։
      ԱՍՏՎԱԾ ՕՐՀՆԻ  ՀԱՅԱՍՏԱՆԸ
       ԱՍՏՎԱԾ ՕՐՀՆԻ ՄԵՐ ԸՆՏԱՆԻՔԸ

      Լեվ Գրուպ փաստաբանական գրասենյակի գլխավոր տնօրեն
         Լևոն Բաղդասարյան

Այս թեմայով Լրագրողնե՛ր, պատրաստվե՛ք, Ձեր գրած հոդվածները շուտով կարող են դառնալ եկամտի աղբյուր Վենսը բանակցություններ է վարում Իրանի հետ պատերազմի ավարտի շուրջ. Axios «Հայաստանը պետք է Ռուսաստան-Բելառուս միութենական պետության կազմում լինի» գաղափարի թշնամին եմ Արդյո՞ք քաղաքացին կարող է խանութում ինքնուրույն գնահատել գնվող կաթնամթերքի անվտանգությունը․ Մասնագետը փաստում է՝ ոչ Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը