ՌԴ նախագահի նստավայրի վրա ուկրաինական հարձակումը սկսել է մի ամբողջ աշխարհաքաղաքական օրակարգ ձեւավորել

Այն, որ ՌԴ նախագահի նստավայրի վրա հարձակումը սկսել է մի ամբողջ աշխարհաքաղաքական օրակարգ ձեւավորել, հասկանալի էր ի սկզբանե: Այն բանից հետո, երբ հարձակումից հետո Մոսկվան որոշակի պաուզա վերցնելով, այդ ընթացքում` Թրամփի հետ կապ ունենալով, այնուամենայնիվ ընթացք տվեցին այդ պատմությանը:

Գլոբալիստական թեւը եւս, մի որոշակի պաուզայից հետո,մ հասկանալով, որ այս թեման իրենց լավ հեռանկարների չի խոստանում, որոշեց անցնել ամեն բան հերթելու կուրսի: Դրան էր ուղղված The Wall Street Journal-ի նախօրեին տեղեկատվությունը, թե` «ԱՄՆ-ն պարզել է, որ Ուկրաինան չի փորձել հարձակվել Պուտինի նստավայրի վրա անօդաչու թռչող սարքի միջոցով»։ Ըստ աղբյուրի. «ԱՄՆ հետախուզության պաշտոնյաները հայտարարել են, որ Ուկրաինան չի փորձել հարձակվել Ռուսաստանի նախագահ Վլադիմիր Պուտինի վրա կամ հարվածել նրա բնակարաններից մեկին անօդաչու թռչող սարքի միջոցով գործողության ընթացքում։ Այս եզրակացությունը հաստատել են ԿՀՎ մասնագետները, ըստ հետախուզությանը ծանոթ ամերիկացի պաշտոնյայի»։

Բայց այս անգամ ռուսների ռեակցիան շա արագ էր: Այն է` փոխանցվել տեղեկատվություն, որ ռուսաստանի հետախուզական ծառայությունները Պուտինի նստավայրը հարձակված ուկրաինական անօդաչու թռչող սարքերից մեկից թռիչքային պլանի ֆայլ են հանել։ Ընդ որում, լուրը պաշտոնապես հաստատեց Ռուսաստանի պաշտպանության նախարարությունը։ Ըստ այդմ` Տեղագրությունը ցույց է տվել, որ հարձակման վերջնական թիրախը հենց Նովգորոդի մարզի այս նստավայրն էր։ Ավելին, որ. «Թռիչքային պլանը կփոխանցվի ամերիկացիներին»։

Ավելի ուշ հայտնի դարձավ, որ ռուսական կողմը ԱՄՆ դեսպանատան ռազմական կցորդի գրասենյակի ներկայացուցչին է տրամադրել են նյութեր, որոնք պարունակում են Ռուսաստանի նախագահական նստավայրի վրա հարձակման ժամանակ խոցված Ուկրաինայի զինված ուժերի անօդաչու թռչող սարքի վերծանված տվյալները եւ անօդաչուի թռիչքային համակարգը։

Կարճ ասած, Մոսկվան հայտարարում է, որ ոչ միայն ՌԴ նախագահի նստավայրի վրա հարձակման «երկաթբետոնյա» ապացույցներ ունի, այլ, որ դրանք փոխանցելու է Թրամփին: Իսկ եթե գլոբալիստների մոտ չի ստացվում այս պատմությունից Կիեւին «մաքրել», ապա թեման տեղափոխվում է ԱՄՆ-ի եւ Եվրոպայի, ավելի կոնկրետ` Բրիտանիայի հետ հակամարտության դաշտ: Այսինքն, եթե կան ապացույցները, ապա Վաշինգտոնին երկու տարբերակ է մնում: Ընդունել, որ նման հարձակման համար Ուկրաինային տեխնիկական ծառայություն են մատուցել կա´մ ամերիկյան կա´մ բրիտանական համապատասխան ծառայությունները. միայն նրանք ունեն նման տեխնիկական հնարավորություններ: Եթե ամերիկացիները չեն, ապա բրիտանացիները պարզապես «գցել» են Թրամփին` այն պահին, երբ նա բանակցություններ էր կազմակերպել, ձեռնարկում են դրանք ձախողելու ավանտյուրա: Եթե ամերիկացիներն են, ապա Թրամփն ավելի բարդ վիճակում կհայտնվի: Այն է` Մոսկվան նրան կմեղադրի կեղծ բանակցություններ կազմակերպելու մեջ կամ, որ Թրամփն իրավիճակին չի տիրատետում:

Իհարկե, ավելի հավանական տեսք ունի բրիտանական ավանտյուրայի պատմությունը: Դե, ուրեմն, Թրամփը ստիպված կլինի հակաքայլերի դիմել:

Ցանկացած տարբերակ Մոսկվայի օգտին է:

Տես նաեւ https://t.me/iravunk/62833 

Այս թեմայով «Ահեղ դատաստանի» ձմեռ է գալիս. Ուկրաինական պաշտոնյա Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ռուսական բանակը կարող է մտնել Զապորոժե այս ձմռանը. Ուկրաինական հրամանատար Դմիտրի Մեդվեդևը իսկապես վախեցրել է եվրոպացիներին. Ուկրաինական գնդապետ Մոսկվայի վրա ուկրաինական զանգվածային հարձակման արդյունքում կան զոհեր և ավերածություններ