Ադրբեջանի և Հայաստանի միջև պատերազմը 2025 թվականին քաղաքական առումով ավարտվել է․ Ալիև

Ադրբեջանի և Հայաստանի միջև պատերազմը 2025 թվականին քաղաքական առումով ավարտվել է, հայտարարել է Ադրբեջանի նախագահ Իլհամ Ալիևը։ Նա հարցազրույց է տվել տեղական լրատվամիջոցներին։ Նրա խոսքով՝ Երևանն ու Բաքուն մի քանի ամիս է՝ խաղաղության մեջ են ապրում։ Ալիևն անդրադարձել է նաև ԱՄՆ-ի հետ հարաբերություններին՝ դրանք անվանելով «պատմական»։

Ըստ Ալիևի՝ ԱՄՆ նախագահ Դոնալդ Թրամփի վարչակազմի իշխանության գալուց ի վեր իրավիճակը կտրուկ փոխվել է, և սպասում են, որ Կոնգրեսը կչեղարկի 907-րդ ուղղումը։ Ադրբեջանի նախագահի խոսքով՝ այսօր տարբեր վայրերից բեռներ են անցնում Ադրբեջանի տարածքով դեպի Հայաստան, ճանապարհները բաց են, և նույնիսկ ադրբեջանական նավթամթերք է արտահանվում Հայաստան։

Նա նշել է, որ եթե 907-րդ ուղղման ընդունման պաշտոնական պատճառը Հայաստանի շրջափակումն էր, ապա «այսօր այն այլևս գոյություն չունի»։ Ալիևը նաև հայտնել է, որ օկուպացված Արցախում մոտ յոթանասուն հազար մարդ է ապրում։ Օգոստոսին ԱՄՆ նախագահ Դոնալդ Թրամփը հուշագիր էր ստորագրել «Ազատության աջակցության մասին» օրենքի 907-րդ ուղղման կասեցման վերաբերյալ, որն արգելում էր Ադրբեջանին ամերիկյան ռազմական օգնության տրամադրումը:

Հունվարի 4-ին Ալիևն ԱՄՆ Կոնգրեսի պատվիրակության հետ հանդիպման ժամանակ հայտարարել էր, որ Հայաստանի և Ադրբեջանի միջև արդեն իսկ հաստատվել են առևտրային հարաբերություններ։ Ադրբեջանի նախագահը նաև հույս էր հայտնել, որ Կոնգրեսի անդամները կշարունակեն իրենց ջանքերն «Ազատության աջակցության մասին» օրենքի 907-րդ ուղղումը լիովին չեղյալ համարելու համար:

Այս թեմայով Ալիևը Թրամփին ասել է, որ տարածաշրջանում խաղաղությունն արդեն իրողություն է Հայերը մի ժամանակ պնդում էին, որ Բաքվում թեյ են խմելու.Ալիեւ Եթե որևէ մեկի հիվանդ միտքը երբևէ մտածի Ադրբեջանի դեմ որևէ սադրանք իրականացնել, կարծում եմ՝ նա կզղջա դրա համար.Ալիեւ Պատմության ընթացքում Ադրբեջանը եղել է եզակի վայր, որտեղ միավորվել են տարբեր քաղաքակրթություններ.Ալիեւ Ադրբեջանում ձերբակալել են Ալիեւի աշխատակազմի ղեկավարի նախկին տեղակալին