Հունվարի 6-7-ի գիշերը սպասվում է մոլորակների արեգակնային շքերթ, որ հաջորդ անգամ տեղի կունենա միայն 23-րդ դարում

2026 թվականի հունվարի 6-7-ի գիշերը սպասվող մոլորակների արեգակնային շքերթ, որ հաջորդ անգամ տեղի կունենա միայն 23-րդ դարում, գրում է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանն իր ֆեյսբուքյան էջում:

«Այդ պահին Արեգակը, Վեներան և Մարսը իրենց ուղեծրային շարժման արդյունքում կդասավորվեն մեկ գծի վրա՝ այդ մասին հայտնում է Տիեզերական հետազոտությունների ինստիտուտի և Ռուսաստանի գիտությունների ակադեմիայի Արեգակնային-երկրային ֆիզիկայի ինստիտուտի արեգակնային աստղագիտության համատեղ լաբորատորիայի մամուլի ծառայությունը:

Երկրից դիտելիս Արեգակը և երկու ամենամոտ մոլորակները կհամընկնեն գրեթե նույն կետում: Հենց այս համադրությունն է, որ մասնագետները փոխաբերական իմաստով համեմատում են Բեթղեհեմի աստղի հետ։

Հունվարի 6-ին և 7-ին մոլորակների և Արեգակի միջև անկյունային հեռավորությունը կկազմի մոտավորապես 1.2 աստիճան: Հունվարի 8-ին այս հեռավորությունը կնվազի մինչև 1 աստիճանից պակաս: Մոլորակների նմանատիպ մոտեցումներ Արեգակին մեկ աստիճանից ավելի մոտ վերջին 500 տարվա ընթացքում գրանցվել են ընդամենը երեք անգամ՝ 1669, 1682 և 1968 թվականներին:

Ընթացիկ հազարամյակում այս երևույթը կարելի է դիտարկել հազար տարվա ընթացքում ընդամենը երեք անգամ 2267 թվականի հունիսին, 2324 թվականի դեկտեմբերին և վերջապես 2623 թվականի դեկտեմբերին (չհաշված այս տարվա մոտեցումը) Մեկ այլ մոտ, բայց 1 աստիճանից ավելի միավորում դիտվել է համեմատաբար վերջերս՝ 2006 թվականի հոկտեմբերին:

Փորձագետները ընդգծում են, որ նման իրադարձության որոշակի օրացուցային օրվա (այս դեպքում՝ ուղղափառ եկեղեցու Սուրբ Ծննդյան) հետ համընկնելու հավանականությունը չափազանց ցածր է՝ մոտավորապես յուրաքանչյուր 20 հազար տարին մեկ»,-գրել է Ազիզյանը:

Այս թեմայով Հունիսը 9-ը ճակատագրական կլինի Հայաստանի համար Մայիսը այն ամիսն է,որ պարտադրում է դուրս գալ կոմֆորտ զոնայից,այլապես ոչ մի լավ բանի պետք չի սպասել Երկիրը սկսել է ավելի արագ պտտվել․մինչև 2035թ-ը օրը կարող կրճատվել 1 վայրկյանով Մարսի վրա գարուն է սկսվել. գիտնականներն արձանագրել են գարնանային «սառցե պայթյուններ» Հեղուկ ջուր Մարսի վրա. Առասպե՞լ, թե՞ իրականություն