Նորբերտո Բրիասկո Բալեկյանը նոր ակումբ կունենա

«Բոկա Խունիորսի» և Հայաստանի ազգային հավաքականի վինգեր Նորբերտո Բրիասկո Բալեկյանը կտեղափոխվի Մենդոսայի «Խիմասիա և Էսգրիմա», սոցցանցերում գրում է TyC Sports-ի լրագրող Գերման Գարսիա Գրովան։

Արգենտինական ակումբը մինչև 2027թ. հունվարի 1-ը կվարձակալի 29-ամյա ֆուտբոլիստին։ «Խիմնասիա և Էսգրիման» վարձակալության ավարտին կունենա հայ եզրայինի տրանսֆերը գնելու պայմանագրային իրավունք։

Բալեկյանը 2024թ. օգոստոսից վարձավճարով հանդես էր գալիս Լա Պլատայի «Խիմնասիայում», որի կազմում 30 խաղում խփել է 1 գոլ։

Բալեկյանը «Բոկա Խունիրոս» է տեղափոխվել 2021թ. օգոստոսին, 56 խաղում գրանցել 4 գոլ ու 3 ասիստ։

«Խիմնասիա և Էսգրիման» 2025թ. հաղթել է Արգենտինայի երկրորդ լիգան` նվաճելով բարձրագույն առաջնության ուղեգիր։

Արգենտինայում նոր մրցաշրջանը կմեկնարկի հունվարի 22-ին։

Այս թեմայով Նորբերտո Բրիասկո Բալեկյանը նոր ակումբ ունի Որ ակումբում կանցկացնի հաջորդ մրցաշրջանը Բալեկյանը Բալեկյանն իր առաջին գոլն է խփել նոր ակումբի կազմում (տեսանյութ) Հայաստանի ազգային հավաքականի հարձակվողը նոր ակումբ ունի Նորբերտո Բալեկյանը հեռանում է «Բոկա Խունիորսից». Հայտնի է նոր ակումբը