ԹԵՎԱՆՅԱՆՆ ՈՒ ԱՆԴՐԵԱՍՅԱՆԸ ՀԱՆԴԵՍ ԿԳԱՆ ՀՆԴԿԱՍՏԱՆԻ ՊՐՈ ԼԻԳԱՅՈՒՄ

Հունվարի 15-ին, Հնդկաստանի Նոիդա քաղաքում մեկնարկելու է Ըմբշամարտի ՊՐՈ լիգան, որի մեծ եզրափակիչը կկայանա փետրվարի 1-ին։ PWL 2026-ում, հանդես է գալու Հնդկաստանի 6 շրջանի 6 թիմ, որոնցում ընդգրկված են տղամարդ ու կին ըմբիշներ, ինչպես Հնդկաստանից, այնպես էլ աշխարհի տարբեր երկրներից։ Թիմերի կազմերում ընդգրկվելն այդքան էլ հեշտ չի եղել։ 16 երկրի ավելի քան 250 ըմբիշ, որոնց մեջ եղել են տիտղոսակիր մարզիկներ, պայքարել է վերջնական հայտում տեղ գտնելու համար։ Ըստ կազմակերպիչների, ընտրվել են լավագույնները։ Առաջին անգամ այդ մրցաշարում ելույթ են ունենալու նաև հայ անվանի ազատ ոճի ըմբիշներ ՎԱԶԳԵՆ ԹԵՎԱՆՅԱՆՆ ու ԱՐՄԱՆ ԱՆԴՐԵԱՍՅԱՆԸ։ Թևանյանը/65կգ / ընդգրկված է «Maharastra Kesar» թիմի, իսկ Անդրեասյանը /74կգ /UP Dominators» - ի կազմում։

Նշենք, որ Ըմբշամարտի ՊՐՈ լիգան հնդկական սպորտի ամենակարևոր ու սպասված երևույթն է։ Վերջին անգամ լիգան կայացել է 2019-ին և 7 տարվա դադարից հետո դրա վերադարձը կարևոր իրադարձություն է համարվում։ Հաջողություն մեր ըմբիշներին։

ՀՈՎՀԱՆՆԵՍ ՍԱՐԳՍՅԱՆ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով