Հիմա հերթը երիտասարդ ՀՀԿ-ականներինն է. վերջին հրաժեշտը Ռազմիկ Զոհրաբյանին

Կյանքից հեռացել է Հայաստանի Հանրապետական կուսակցության (ՀՀԿ) առանցքային ներկայացուցիչ, ԱԺ մի քանի գումարման պատգամավոր ՌԱԶՄԻԿ ԶՈՀՐԱԲՅԱՆԸ։ ՀՀԿ նախկին փոխնախագահը հաճախ հարցազրույց չտվող, բայց ծանրակշիռ խոսքի մեծ վարպետ էր՝ ուղիղ, շիտակ, իրերն իրենց անուններով կոչող: Իսկապես չկոտրվող գաղափարի մարտիկ, ով 10 երկար ու ձիգ տարիներ գտնվել է ազատազրկման վայրում՝ հանուն սկզբունքի, հանուն Հայաստանի ապագայի:

«Իրավունք»-ի էջերում բազմաթիվ հարցազրույցներ են հրապարակվել նրա հետ: Շատախոսությամբ աչքի չէր ընկնում երբեք, բայց ասելիքը միշտ ուղիղ նշանակետին էր: Նրա ասուլիսներն էլ քաղաքական մտքի մի ուրիշ արվեստ էր: Ռազմիկ Արտավազդիչի հետ «Իրավունք»-ի վերջին զրույցն ամենակարճն էր՝ 2017-ի վերջին: Ասաց, որ այլեւս ոչ մի լրատվամիջոցի հարցազրույց չի տալու: Իսկ թե ինչով է պայմանավորված, շեշտեց. «Այդքան երիտասարդ հանրապետականներ կան, թող իրենք պատասխանեն, հիմա հերթն իրենցն է»: Եվ լռեց...

ՍԻՄ կուսակցությունը եւ «Իրավունք» թերթի խմբագրակազմն իրենց խորին ցավակցությունն են հայտնում Զոհրաբյան ընտանիքին, կուսակցական եւ գաղափարակից ընկերներին ու հարազատներին։

ՀՐԱՆՏ ՍԱՐԱՖՅԱՆ

Այս թեմայով Ընդդիմությունն իմ տպավորությամբ մինչ այս պահն օրակարգ չունի․ Նաիրա Զոհրաբյան Ներքին ագրեսիայով չի կարելի հասնել խաղաղության․ կայացավ «Մնա» ներկայացման առաջնախաղը Այս խորհրդարանը զրոյական արժեք ունի, բնավ չի հետաքրքրում՝ ով ինչ է ընտրվում․ Զոհրաբյան Ընտանիքն է մնացել պետության հիմնասյուներից անսասան, դա՛ էլ կքանդեն․ ԶԱՐՄԱՆՔ Չորս տասնամյակ անց ցանկություն կա նկարահանվել «երջանկության մեխանիկա» ֆիլմում՝ Ալլա Թումանյանի հետ. Ռազմիկ Մանսուրյան