Նույն տրամաբանության, Փաշինյանն էլ կարգին վարչապետ է. ԶԱՐՄԱՆՔ

Սկսենք լավ լուրից. այս անգամ դրական առումով է մեզ զարմացրել Հայաստանի Հանրապետության պաշտպանության նախարար ՍՈՒՐԵՆ ՊԱՊԻԿՅԱՆԸ: Երեկ հրավիրված ասուլիսի ժամանակ նա հայտարարեց, որ աշխատանքից ազատել է իր ղեկավարած գերատեսչության այն աշխատակիցներին, որոնք ունեն այլ երկրի քաղաքացի զավակներ: «Անմեղության կանխավարկածը հաշվի առնելով՝ ես չեմ կարող դա տարածել նաեւ այն աշխատակիցների վրա, որոնց զավակներն ազատվել են ծառայությունից հիվանդության հիմքով, բայց կասկածի որդն ինձ շարունակում է ներսից կեղեքել եւ ճնշել, որ ես նրանց նկատմամբ նույնպես ուշադիր լինեմ»,- ասել է Պապիկյանը: Նախարարը նաեւ հայտնել է, որ ծառայությունից զարտուղի ճանապարհով ազատումները կանխելու համար պարբերաբար վերանայվում է զորակոչին ոչ ենթակա հիվանդությունների ցանկը: Ինչ խոսք, ճիշտ է անում, այլապես մենք ապրում ենք մի ժամանակաշրջանում, երբ ամենաբարձրը հայրենասիրությունից ու երկրի անվտանգությունն ապահովելուց գոռում ու ճառում են մարդիկ, որոնց երեխաներն ու թոռները վաղուց ապրում են արտասահմանում եւ մի զինվոր էլ չեն տվել Հայրենիքին: Այնպես որ, վատ չէր լինի, որ Պապիկյանի այս նախաձեռնությունը վարակիչ լիներ ողջ պետական ապարատի համար: Ավելին՝ հստակ պահանջ լիներ նաեւ պատգամավորների ու վաղը պատգամավորության հայտ ներկայացնողների համար:

Իսկ ահա Սփյուռքի գործերի գլխավոր հանձնակատար ԶԱՐԵՀ ՍԻՆԱՆՅԱՆԸ, պարզվում է, օրեր շարունակ «չի կարողանում» որեւէ տեղեկություն ստանալ Իրանի հայերի վիճակի մասին։ «Տեղեկություններ չունենք: Չենք կարողանում կապվել մեր հայրենակիցների հետ, ինչը մեզ շատ է անհանգստացնում: Շարունակելու ենք նրանց հետ կապ հաստատելու ջանքերը», - ասել է նա եւ նշել, թե Մեղրիում սահմանն անցնող մեր հայրենակիցների միջոցով կփորձեն տեղեկություններ ստանալ: Լսում ես ու մտածում՝ սա անկախ պետության կառավարության պաշտոնյայի՞ հայտարարություն է, թե՞ պետական կառավարման տարրական պատկերացումից հեռու, պատասխանատվության զգացումից զուրկ մի կցկտուր արդարացում։ Իրանն, ի դեպ, Հայաստանի անմիջական հարեւանն է։ Ոչ թե մի այլ մոլորակ, այլ երկիր, որի հետ մինչ այս պահը գործում են թե՛ ցամաքային, թե՛ օդային հաղորդակցությունները։ Եթե Նիկոլ Փաշինյանի կառավարությունն այդ աստիճան անճար է, որ ԱԳՆ-ի դիվանագիտական խողովակներով չի կարողանում պարզել՝ ինչ վիճակում է ՀՀ դեսպանությունը, ինչ է կատարվում իրանահայ համայնքում, ապա գոնե կարող է, ինչպես մեդիափորձագետ Նաիրի Հոխիկյանն է առաջարկում, սեփական գրպաններից առանձնացնել ընդամենը 250 դոլար, որով մեկ անձը կարող է մի քանի ժամում օդանավով հասնել Թեհրան, տեղում ճշտել իրավիճակը, այցելել Հայաստանի դեսպանություն, հանդիպել համայնքի ներկայացուցիչներին եւ նույն արագությամբ վերադառնալ։

Ռուս քաղաքական մեկնաբան Վլադիմիր Սոլովյովի հայտարարությունը Հայաստանում հատուկ ռազմական գործողություններ սկսելու մասին իշխանությունից ավելի ցավոտ ընդունել են ընդդիմադիր տարբեր քաղաքական ուժեր, այդ թվում՝ ՀՅԴ-ն: ՀՅԴ ԳՄ ներկայացուցիչ ԻՇԽԱՆ ՍԱՂԱԹԵԼՅԱՆԸ  մասնավորապես հայտարարել է. «Մենք դատապարտում ենք Հայաստանի Հանրապետության ինքնիշխանության դեմ ուղղված ցանկացած խոսք կամ գործողություն՝ անկախ նրանից, թե որտեղից է այն հնչում»։ Փաստորեն, ի՞նչ է ստացվում՝ ընդդիմությունն ուրճացնո՞ւմ էր, որ Հայաստանն այսօր օկուպացված է: Դե որ այդքան ինքնիշխան է ու անկախ, ստացվում է, որ, ըստ նույն տրամաբանության, Նիկոլ Փաշինյանն էլ կարգին վարչապետ է:

ԶԱՐՄԱՑԱԾ Է «ԻՐԱՎՈՒՆՔ»-Ը 

Այս թեմայով Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան