Քանդեցին եւս մեկ ոլորտ. ԶԱՐՄԱՆՔ

«Միասնության թեւեր» քաղաքական նախաձեռնության ղեկավար, նախկին Մարդու իրավունքների նախկին պաշտպան ԱՐՄԱՆ ԹԱԹՈՅԱՆԸ թեպետ ուրախ է ադրբեջանական գերությունից մեր չորս հայրենակցի վերադարձի համար, բայց դժգոհ է, որ երկու վարձկանների հետ են փոխարինել նրանց: «Այդ հանցագործների վերաբերյալ դատավարություններով պետք է բացահայտվեին Թուրքիայի ու Ադրբեջանի հետախուզական ներգրավվածությունը միջազգային ահաբեկիչների եւ վարձկանների տեղափոխման ու թրաֆիքինգի գործում: Ահաբեկիչներին պետք էր օգտագործել բոլորին վերադարձնելու համար», - շեշտում է նա ու խոսում ամուր բանակցությունների մասին: Իհարկե, ամեն ինչ գեղեցիկ է ասված, առնվազն ՊԵԿ նախկին նախագահ Դավիթ Անանյանը կարող է նույնիսկ հուզվել, բայց զարմանալին այն է, որ մեծ-մեծ խոսում է մի մարդ, որը կյանքում նման բանակցություններ չի վարել, լինելով էլ Մարդու իրավունքների պաշտպան՝ 2016-2022 թթ.-երին, գեթ մեկ գերի չի կարողացել վերադարձնել:

Ուշագրավ զարգացումներ է ունեցել Քննչական կոմիտեի աշխատակիցների խուզարկությունը Հայոց ցեղասպանության թանգարան-ինստիտուտի նախկին տնօրեն, պատմական գիտությունների դոկտոր ՀԱՅԿ ԴԵՄՈՅԱՆԻ բնակարանում: «Արդյունքում պարզեցին, որ ես բիբլիոֆիլ եմ, ֆիլատելիստ եմ, ֆիլոկարտիստ եմ, ֆիլումենիստ ու ֆալերիստ եմ: Այս կապակցությամբ առանձին արձանագրություն չի կազմվել: Ու մինչ դատավոր Մասիս Մելքոնյանն ընդհուպ կմոտենա Արարատ Միրզոյանին, խուզարկության ժամանակ պատկան մարմիններին ինքնակամ խոստովանեցի, որ 2021-2025 թթ. ընթացքում, վատնելով ընտանեկան բյուջեի սուղ միջոցները, ավելի քան 15 պետական գրադարանների ու թանգարանների ֆոնդերին հանձնել եմ շուրջ 900 թանգարանային արժեքներ՝ ծախսելով մոտ 1 մլն ՀՀ դրամ», - մանրամասնում է Դեմոյանը եւ ընդգծում, որ խուզարկության ժամանակ ցույց է տվել բոլոր այս նվիրատվությունների ստացականները, որոնց իսկությունը կհաստատի հենց ինքը՝ ԿԳՄՍ նախարար Ժաննա Անդրեասյանը (հարակից զեկուցող՝ Արայիկ Հարությունյան): «Ես ընդամենը կցանկանայի, որ հանրայնացված այս փաստով, վերջապես հասկանային, թե ով են իրենք, ինչ են իրենցից ներկայացնում, եւ ով եմ ես», - իր ոճի մեջ շշպռել է Դեմոյանը:

Իսկ Կրթության, գիտության, մշակույթի եւ սպորտի նախարար ԺԱՆՆԱ ԱՆԴՐԵԱՍՅԱՆԸ զարմանալի ճկունությամբ քանդեց եւս մեկ ոլորտ: Դահուկային սպորտի ֆեդերացիայի նախագահ Գագիկ Սարգսյանը հրաժարական է տվել: «21 տարի գործունեություն եմ ծավալում դահուկային սպորտում: 2005 թ. ընտրվել եմ ֆեդերացիայի գլխավոր քարտուղարի պաշտոնում: 2021 թ. դարձել եմ ֆեդերացիայի նախագահ: Որոշում եմ կայացրել վայր դնել Հայաստանի դահուկային սպորտի ֆեդերացիայի նախագահի լիազորությունները… Պատճառները մի քանիսն են: Հիմնական պատճառը Հայաստանում դահուկային սպորտի մարզաձեւերը զարգացնելու աշխատանքային մթնոլորտն է, որը չի կարող միակողմանի լինել: Միայն ֆեդերացիայով կամ միայն ֆեդերացիայի նախագահ լինելով՝ այդ մարզաձեւերը զարգացնել հնարավոր չէ», - նշել է նա եւ անկեղծացել, որ տարիներ շարունակ բոլոր իրենց առաջարկները, խնդրանքները, հորդորները, նույնիսկ բողոքները` ուղղված Հայաստանի պետական լիազոր մարմին, այս դեպքում՝ ԿԳՄՍ-ին, այդպես էլ չեն լուծվում:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Արման Ծառուկյանը նոկաուտի է ենթարկել Ռուֆիին Հասարակության մեջ մարդը դեռ չի ընկալվում որպես համակարգի բարձրագույն արժեք․ ՄԻՊ Աշնանային սրացումներ ԱԺ-ում․ ԶԱՐՄԱՆՔ Ծառուկյանը պատրաստ է հրաժարվել հարստությունից հանուն UFC-ի տիտղոսի Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր