Կավարտվի՞ Զախարյանի կարիերայի իսպանական շրջափուլը. Իրարամերժ տեղեկություններ Իսպանիայից

«Ռեալ Սոսյեդադի» կիսապաշտպան Արսեն Զախարյանը կարող է լքել բասկյան ակումբը ձմեռային տրանսֆերային պատուհանի ժամանակ, հայտնում է COPE-ն։

Աղբյուրի փոխանցմամբ՝ 22-ամյա ֆուտբոլիստը և թիմի ևս մի քանի խաղացողներ դուրս են մնացել նորանշանակ գլխավոր մարզիչ Պելեգրինո Մատարացոյի ծրագրերից։ Նշվում է, որ մասնագետն անձնական զրույցի ժամանակ Զախարյանին արդեն տեղեկացրել է, որ ապագայում հույսեր չի կապում նրա հետ։

Օրերս, սակայն իսպանական ակումբի ներկայացուցիչը վստահեցրել էր, որ Զախարյանի հետ թիմը մեծ հույսեր ունի ու չի պլանավորում նրան վաճառել։

Հիշեցնենք, որ «Ռեալ Սոսյեդադը» Զախարյանի տրանսֆերը ձեռք է բերել 2023 թվականի ամռանը՝ մոսկովյան «Դինամոյին» վճարելով 13 միլիոն եվրո։

Ընթացիկ մրցաշրջանում կիսապաշտպանը բոլոր մրցաշարերում մասնակցել է 16 հանդիպման և դարձել 1 գոլի հեղինակ։ Կողմերի միջև գործող պայմանագիրը նախատեսված է մինչև 2029 թվականի կեսերը։

Այս թեմայով Ստիպված ա հարստացել․ ԸՆԿԵՐ ՓԱՆՋՈՒՆԻ Երևանում 3 անչափահաս տղաների ծայրահեղ ծանր վիճակում երեկ տեղափոխել են հիվանդանոց Խաղացի՞ր, բալես, դե գնացինք տուն. Արսեն Սաֆարյանի արձագանքը՝ դստերը հարսանեկան զգեստով տեսնելիս Այսօր ամուսնանում է երգիչ Արսեն Սաֆարյանի դուստրը՝ երգչուհի և դերասանուհի Էլեն Սաֆարյանը. տեսանյութեր Թոշակառուին՝ հազար դրամ, մահացածի հարազատին՝ փակ դուռ