«Աննասուններից Հայր Մեր չեմ սպասում». Գուսան Արտակ Արամյանի նոր տեսահոլովակի պրեմիերան

Խորհուրդս՝ անիմաստ մեջիս գազանին չարդնացնեք. Արտակ Արամյան

Օրեր առաջ «Իրավունք»-ն անդրադարձել էր գուսան ԱՐՏԱԿ ԱՐԱՄՅԱՆԻ «Ամոթս ամաչում է» աղմկահարույց երգին, որից հետո հեղինակ-կատարողը եւս երկու տեսահոլովակ ներկայացրեց հանրությանը: Հատկանշական է, որ վերջին տեսահոլովակը, որը ներկայացնում ենք մեր ընթերցողների դատին, «Ամոթս ամաչում է» երգի պատասխանն է: Գտնվել են մարդիկ, ովքեր այդ երգի տակ փորձել են երգահանին մեղադրել, թե իբրեւ վիրավորում է անգամ քրեական աշխարհի ներկայացուցիչներին: Անդրադառնալով իր պատասխանին վերջակետից առաջ՝
գուսան Արամյանը մեզ հետ զրույցում այսպես մեկնաբանեց.

— Ասելու շատ բան չկա: Ոմանք, շատ էին նեղվել դաժան ճշմարտությունից: Հետո պարզվեց, որ հատկապես Ռուսաստանում շատ հայեր կան, ովքեր ընկերություն են անում ադրբեջանցիների հետ՝ իրար տուն գնում-գալիս: Պարզվեց, որ որոշ հայերի իրենք են թե՛ ֆինանսով, թե՛ ամեն կերպ թիկունք լինում: Հետո, որպեսզի նման մեկնաբանություներ գրողների համար առավել պարզ լինի, այս երգով ասացի, որ «Մեռելոցի»-ին ծաղկի թանկացումն ու Զատիկին՝ ձվի եւ ձկան արհեստական թանկացնելը, թշնամուս հետ ընկերություն անելուն չի վերաբերվում:

Ուզում եմ հատուկ շեշտել, որ երբ ասում եմ թշնամուս հետ ընկերություն անողը եւ այլն, դա չի վերաբերվում միայն «օրենքով գողերին», քանզի իրենց օրենքներում ազգությունը կապ չունի: Ու թեեւ նրանք շփվում են այդ ազգությունների հետ, սակայն իրենք իրենց հայի տեսակը առավել վեհ են պահում, քան ոմանք: Նրանց ենթամշակույթում կարեւորը գաղափարն է, ոչ թե ազգությունը: Սա հատուկ շեշտում եմ նրանց համար, ովքեր պատերի տակ պպզած փորձում են ինքնահաստատվել եւ ուղղությունը շեղել: Մարդիկ, ովքեր բացարձակ կապ չունեն իրական ենթամշակույթ կրողների հետ, չեն հասկանում, որ այդ աշխարհում ավելի վեհ արժեքներ կան, քան պպզելն է: Խորհուրդս՝ անիմաստ մեջիս գազանին չարդնացնեք:

ՆԱՆԱ ՍԱՐԳՍՅԱՆ

Այս թեմայով Կմե՞ռնենք, եթե ԵԱՏՄ-ից մեզ հանեն, ո’չ, ցավո՞տ լինելու է մեր տնտեսության համար, այո’. Վարդան Արամյան «Ուժեղ» մանիպուլյացիա է. Գյումրու Քըրքորյան փողոցի բարեկարգումը հատուկ եք ընտրել, որ հետո մեղադրեք. Արամյան Պատերազմի ժամանակ դեկորացիան էր շատ. Արամյան Կա՛մ դիմումդ գրի, գնա՛, կա՛մ վաստակածդ քֆուրը կեր. Արտակ Արամյան. տեսանյութ Մենք քիչ ենք, բայց մեզ դա էլ է շատ. Արտակ Արամյան. տեսանյութ