«Ժողովուրդ». Փոխում են ԽՍՀՄ Խնայբանկից դրամական ավանդների դիմաց փոխհատուցման տրամադրման կարգը

«Ժողովուրդ» օրաթերթը գրում է. ««Ժողովուրդ» օրաթերթը տեղեկանում է, որ այսօրվա կառավարության նիստում քննարկվելու և հաստատվելու է նոր նախագիծ, համաձայն որի՝ կփոփոխվի և կլրացվի ԽՍՀՄ Խնայբանկից դրամական ավանդների դիմաց փոխհատուցման տրամադրման կարգը։

Այսպիսով, «Հայաստանի Հանրապետության 2026 թվականի պետական բյուջեի մասին» օրենքի 7-րդ հոդվածով սահմանվել էր, որ 2026 թվականին շարունակվում է «ՎՏԲ-Հայաստան Բանկ» ՓԲԸ-ում ավանդատու հանդիսացող քաղաքացիների՝ նախկին ԽՍՀՄ Խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման տրամադրումը մինչև 1944 թվականի դեկտեմբերի 31-ը ներառյալ ծնված կամ Հայաստանի Հանրապետության պաշտպանության մարտական գործողությունների մասնակից կամ մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող՝ Հայաստանի Հանրապետության սահմանամերձ համայնքներում 2014 թվականի օգոստոսի 1-ի դրությամբ հաշվառված անձանց, ինչպես նաև Կառավարության սահմանած այլ սոցիալական խմբերին՝ Կառավարության սահմանած կարգով։

Ըստ նախագծի՝

կարգավորվում է՝ նախկին ԽՍՀՄ Խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման տրամադրումը նաև մինչև 1944 թվականի դեկտեմբերի 31-ը ներառյալ ծնված անձանց,

ուժը կորցրած է ճանաչվում ավանդի դիմաց փոխհատուցման՝ կանխիկ եղանակով վճարման ընթացակարգեր սահմանող դրույթները,

սահմանվում է կարգավորում, որ մինչև սույն որոշումն ուժի մեջ մտնելը նշանակված, սակայն չդադարած և վճարման կանխիկ եղանակն ընտրած ավանդատուի կողմից տվյալ ամսում փոխհատուցումը չստանալու դեպքում նրա տվյալները կարող են ներառվել յուրաքանչյուր հաջորդ ամսվա կանխիկ եղանակով փոխհատուցման էլեկտրոնային վճարման ցուցակում, բայց ոչ ավելի, քան մինչև 2026 թվականի մարտ ամսվա վճարման ցուցակում։

Ստացվում է, որ նախագծի ընդունմամբ կապահովվի 2026 թվականին ավանդների փոխհատուցման իրավունքի ճանաչման և վճարման բնականոն ընթացքը՝ անկանխիկ եղանակով»։

Առավել մանրամասն թերթի այսօրվա համարում

Այս թեմայով «ԽՍՀՄ–2» կոչված սխեման որքանո՞վ է իրատեսական Հայտնի իրավապաշտպանը հրատապ հայտարարությամբ է հանդես եկել Մոլի ընդհանուր անվտանգությունը չի կարող փոխարինել կենսաչափական տվյալների հատուկ պաշտպանությանը Հայրը իր 5-6 տարեկան երեխաների հետ նկարահանել է անպարկեշտ տեսանյութեր և վաճառել այն չաթերում՝ կրիպտոարժույթի դիմաց Հարգելի՛ ուսուցիչ, քո արժանապատվությունը մի՛ փոխանակիր ոչ մի ծաղկի, ոչ մի նվերի և ոչ մի հազար դրամի հետ