Իրանի նախագահն անսպասելի այցով ժամանել է Մոսկվա

Իրանական մի շարք աղբյուրներ երեկ ուշ ժամերին հայտնեցին, որ Իրանի կառավարական ինքնաթիռը թռել է դեպի Ռուսաստան: Թե ով է այնտեղ գտնվում ու ինչ նպատակով, աղբյուրները տեղեկացված չէին:

Եվ ահա, ռուսական աղբյուրները մեկնաբանում են, որ այդ ինքնաթիռը վայրէջք է կատարել Մոսկվայում:

«Վնուկովո օդանավակայանում վայրէջք կատարած ինքնաթիռում, հավանաբար, գտնվում էր Իրանի նախագահ Մասուդ Պեզեշկիանը»,- հայտնում է ռուսական աղբյուրը։ 

Այս խառը ժամանակներում նման այցը, առավել եւս, երբ տարբեր աղբյուրներ հայտնում են, որ ԱՄՆ-ն (Իսրայելը) ծրագրել են թիրախային հարվածներ հասցնել Իրանի ղեկավարությանը, պետք է, որ արտակարգ կարեւոր պատճառ ունենար:

Եվ այստեղ հիշենք Թրամփի երեկվա հայտարարությունը. «Ես անձամբ խնդրեցի նախագահ Պուտինին մեկ շաբաթ չհրթիռակոծել Կիևը...»: Եթե անձամբ է խնդրել, դա նշանակում է, որ կապ են ունեցել, թեեւ այս մասին պաշտոնական լուր չկա: Նախագահների նման կապը հազիվ թե Կիեւի մասին խնդրելու պատճառով լիներ. պետք է հիմքում շատ ավելի լուրջ թեմա լիներ: Ու եթե հաստատվի, որ Պեզեշկիանն իրոք անսպասելի այցով մեկնել է Մոսկվա, թերեւս պարզ կդառնա նաեւ, թե ինչի մասին են խոսել Պուտինն ու Թրամփը: Եվ, ըստ ամենայնի, արդյունավետ, հաշվի առնելով, որ իրանական կողմին հաղորդելու, ինչ-որ բան պայմանավորվելու կարիք է առաջացել:

Մի խոսքով նման է, որ Մոսկվան Վաշինգտոնի եւ Թեհրանի միջեւ ոչ տեսանելի միջնորդություն է ստանձնել, ինչը, թերեւս, ներկա հիպերլարվածությունից դուրս գալու միակ տարբերակն է:

Այս թեմայով Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Երևան–Մոսկվա չվերթները ուշանում են․ ՌԴ-ում օդային տարածքի սահմանափակումներ են