Անահիտ Մանասյանն ինչո՞վ է զբաղված, ՄԻՊ գրասենյակն ընդհանրապես գոյություն ունի՞. ԶԱՐՄԱՆՔ

Լրագրող Սյուզի Բադոյանը հրապարակել է տեսանյութ, որտեղ երեւում է, որ ոստիկանության Երեւան քաղաքի վարչությունում ինչ-որ անձի ծեծով, հայհոյանքներով խոշտանգում են` իբր ցուցմունք կորզելու համար։ Միջադեպը, ըստ աղբյուրի, տեղի է ունեցել 4 ամիս առաջ։ Ավելի ուշ լրագրողը տեղեկացրել է, որ տեսանյութում խոշտանգվող տղամարդը ենթադրյալ հանցագործի հարազատ է: «Ստացվում է` անմեղ մարդուն խոշտանգել են համակարգում, այդպիսով շանտաժ անելով, որ կասկածյալը ներկայանա: Ես, իհարկե, կճշտեմ, բայց հայտնեցին, որ Ոստիկանության Երեւանի վարչության պետ Հայկ Հարությունյանի գիտությամբ եւ բաժիններից մեկի պետ Ռազմիկ Գասպարյանի թողտվությամբ քրեականի օպերլիազոր Հայկ Հակոբյանը ահա խոշտանգման եղանակով է ցուցմունք կորզել քաղաքացուց: Մնացածը թողնում եմ ՆԳՆ արձագանքին», - նշել է նա: Արձագանքելով վերոնշյալին՝ էլ ավելի զարհուրելի բացահայտում է արել փաստաբան Լուսինե Վիրաբյանը. «Զարմանում եմ զարմացող փաստաբանների վրա, քանզի մեր աչքից հեռու (միչեւ մեր հասնելը) մեր պաշտպանյալները գրեթե միշտ էլ խոշտանգվել ու խոշտանգվում են, կապտուկներով հասնում քննիչի սենյակ՝ պատճառաբանելով, որ առավոտյան տանն են «պատահաբար» ընկել։ Բայց եկեք լինենք արդար. քանի՞ պաշտպանյալի ենք կարողացել բերել այն գիտակից որոշման, որ իր հետ կատարվածը հանցագործություն է, որի մասին չի կարելի լռել, որովհետեւ` վաղն էլ մեկ ուրիշի են խոշտանգելու (էլ ավելի դաժան ու պրոֆեսիոնալ)։ Ճիշտ եք, շատ քիչ տոկոսը…»: Եվ այս ամբողջ իրադրության մեջ հարց է ծագում՝ Հայաստանում Մարդու իրավունքների պաշտպան ԱՆԱՀԻՏ ՄԱՆԱՍՅԱՆՆ ինչո՞վ է զբաղված, ՄԻՊ գրասենյակն ընդհանրապես գոյություն ունի՞:

Իսկ մեր ու ձեր վճարած հարկերի հաշվին գոյություն ունեցող ՀԱՆՐԱՅԻՆ ՀԵՌՈՒՍՏԱԱԼԻՔԸ Հայ Առաքելական Սուրբ եկեղեցու շուրջ ծավալվող իրադարձությունները քննարկել է ո՛չ ավել, ո՛չ պակաս աթեիստական գրառումներով մշտապես աչքի ընկած, Աստվածաշունչ ծաղրող Արսեն Թորոսյանի հետ: Այո՛, խոսքը աշխատանքի եւ սոցիալական հարցերի նախարարի մասին է: Մարդ, ով գրում էր. «Աստվածաշունչը ո՞րն է: Գիրք, որի մեջ գրված է, որ կա Աստված, ու հենց այդ գիրքն է նրա գոյության միակ «ապացո՞ւյցը»: Ես Շառլ Պեռոյի հեքիաթներին ավելի շատ եմ հավատում»: Այսքանից հետո՝ քաղաքագետ Գագիկ Համբարյանն առաջարկ է արել Հ1-ի հարցազրույցավար Պետրոս Ղազարյանին. «Առաջարկում եմ ինչ-֊որ մի մանկապիղծի հրավիրես տաղավարդ ու նրա հետ քննարկես երեխաների պաշտպանության հարցեր կամ էլ «Ծերեթելիի» անբարոյականներից մեկին հրավիրի ու քննարկի պոռնկության դեմ պայքարի հարցեր...»: Այս ամենի մեջ, ինչպես արձանագրում է քաղաքագետը, ուրախալին մնում է այն, որ Նիկոլի քարոզչամեքենան այն վիճակում է, որ հակաեկեղեցական պայքարի մեջ որպես քարոզիչ հանդես է գալիս արդեն հակաքրիստոնյան:

Շվեյցարիայի ազգային խորհրդի անդամ ԷՐԻԽ ՎՈՆՏՈԲԵԼՆ էլ հայտարարել է, որ Արցախի հարցը փակված չէ. «Հայաստանում ասում են՝ Լեռնային Ղարաբաղի էջը փակված է, մենք այլ կերպ ենք տեսնում իրականությունը. Գործը չպետք է փակված համարել, երբ տեղահանված անձինք չեն վերադարձել իրենց Հայրենիք: Միջազգային համայնքը հստակ արձանագրեց, որ տեղի է ունեցել հանցագործություն. Արցախից տեղահանված մարդկանց վերադարձը կայուն խաղաղության անքակտելի մաս պետք է լինի»: Զարմանալի է՝ ճիշտ հակառակ կարծիքն ունեցող իշխանությունը, ինչո՞ւ դեռ շորերը չի պատառոտել ու հարձակվել Վոնտոբելի վրա, թե՞ մենակ ռուս քաղաքական մեկնաբան Սոլովյովի հայտարարություններին արձագանքելու հարցում են նեղ մասնագետներ:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան Հասարակության մեջ մարդը դեռ չի ընկալվում որպես համակարգի բարձրագույն արժեք․ ՄԻՊ Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր