70 տարի՝ հավատքով, սկզբունքայնությամբ և արժանապատվությամբ. ՇՆՈՐՀԱՎՈՐԱՆՔ

«Ուժեղ Հայաստան Ռուսաստանի հետ» շարժումը սրտանց շնորհավորում է շարժման կանանց խորհրդի նախագահ ԱԼԼԱ ՀԱԿՈԲՅԱՆԻՆ՝ ծննդյան 70-ամյակի առթիվ:

«Դուք՝ որպես «Ուժեղ Հայաստան Ռուսաստանի հետ» շարժման Կանանց խորհրդի նախագահ, Ձեր ողջ գործունեության ընթացքում հետեւողականորեն եք պաշտպանում բարոյական, քրիստոնեական եւ ազգային արժեքները, շեշտելով հոգեւոր արժեքների, ընտանիքի եւ ազգային միասնության անհրաժեշտությունը: Ձեր ճշմարտացի մոտեցումները եւ խիզախ ելույթները տարբեր հարթակներում մշտապես արտացոլում են Ձեր ամուր հավատքն այն գաղափարների նկատմամբ, որոնք մեծացնում են մեր ժողովրդի միաձուլված ուժն ու համերաշխությունը:

Ձեր ղեկավարությամբ շարժման կանանց խորհուրդը հանդես է եկել մի շարք դիմումներով եւ հայտարարություններով, որոնցում ընդգծվել են հայ ժողովրդի ինքնորոշման, անվտանգության եւ պաշտպանունակության սկզբունքները՝ բխող մեր քրիստոնեական ու հայրենասիրական ինքնությունից։ Ձեր խոհերն ու ուղերձները ընդգծում են, թե որքան կարեւոր է մեր պատմական ժառանգության պահպանումը, որպեսզի մեզ համար կարելի լինի տեսնել ուժեղ, անվտանգ ու արժանապատիվ ապագա:

Ձեր հետեւողական մոտեցումը հայ-ռուսական բարեկամության հարցում՝ որպես ժողովուրդների միջեւ դարերով ձեւավորված վստահության, փոխհարգանքի եւ համագործակցության արտահայտություն, արժանի է առանձնակի ընդգծման։ Այս դիրքորոշումը համահունչ է ոչ միայն հայ ժողովրդի պատմական հիշողությանը, քրիստոնեական արժեքներին եւ ազգային մտածողությանը, այլ նաեւ ժամանակի հրամայականն է՝ որպես տարածաշրջանում խաղաղության եւ կայունության հիմնասյուն։

Այս առիթով մեր ջերմագույն մաղթանքներն ենք հղում Ձեզ, մաղթում քաջառողջություն: Թող հարատեւի Ձեր առաքելությունը՝ ծառայել Աստծուն, ընտանիքին ու հայրենիքին՝ պահելով այն արժեքները, որոնք միշտ էլ եղել են մեր ժողովրդի հավաքական ուժի կենարար աղբյուրը:

Աստված օրհնի Ձեզ, Ձեր ընտանիքին եւ Ձեր գործը:

Շնորհավոր 70-ամյակը՝ լի հոգեկան խաղաղությամբ եւ հայրենասիրական ոգով», - ասված է շնորհավորական ուղերձում:

Այս թեմայով Ինչպես փաՌատոները վերածվեցին փաՐատոների... Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ Միայն ՌԴ-ն է ազնիվ եւ ուղիղ ասում, որ Արցախի հարցի փակման փորձերը թուլացնում են նաեւ ՀՀ-ն․ Հակոբյան Թեժ է լինելու․ ինչ է սպասվում 18 արդարների գործով դատական նիստին Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի