Մահացել է ԼՂՀ վաստակավոր արտիստ Արեգա Պետրոսյանը

Վ. Փափազյանի անվան դրամատիկ թատրոնը խորը վշտով տեղեկացնում է, որ երկրային կյանքին հրաժեշտ է տվել ԼՂՀ վաստակավոր արտիստ Արեգա Միքայելի Պետրոսյանը։

Ծնվել է 1940թ սեպտեմբերի 1 -ին, Արցախի Այգեստան (Բալուջա) գյուղում։ Մինջնակարգն ավարտելուց հետո աշխատել է ԼՂԻՄ երգի-պարի պետական համույթում՝ որպես պարուհի, իսկ 1969-թվականից մինչ 2023թ ծառայել է Ստեփանակերտի Վ. Փափազյանի անվան դրամատիկ թատրոնում ՝ որպես դերասանուհի:

Ա. Պետրոսյանը կերտել է 70-ից ավել գլխավոր և դրվագային դերեր։ Խաղացել է ողբերգական և կատակերգական դերեր։

Դերասանուհու լիարժեք և ավարտուն կերպարներից են. Կարինե (Ա. Պապայան՝ « Արտասահմանյան փեսացու»), Պերդիտա (Վ. Շեքսպիր « Ձմեռային հեքիաթ»), Դավիդ Կոպերֆիլդ ( Չ. Դիկկենս՝ « Դավիթ Կոպերֆիլդ»), Մարթա ( Ա . Կասոնա ՝ « Ծառերը կանգնած են մահանում ») , Կորինկինա (Ա. Օստրովսկի ՝ « Անմեղ մեղավորները»), Մամքան ( Մուրացան ՝ « Ռուզան» ) և այլն։

Պարգևատրվել է ՀԹԳՄ Ոսկե մեդալով , արժանացել է ՀՀ «արտիստ» մրցանակին։ 

Հոգեհանգստի արարողությունը տեղի կունենա փետրվարի 9-ին, «Կարմիր բլուր» սգո սրահում ( ք. Երևան, Շիրակի 74/1), ժամը 17:00-20:00: Հուղարկավորությունը՝ նույն վայրից փետրվարի 10-ին , ժամը 13:00-ին։

Այս թեմայով Ռուսական դրամատիկական թատրոնը բացեց 89-րդ թատերաշրջանը «Սովորական պատմություն» ներկայացմամբ Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան Մահացել է բալետի արտիստ Սերյոժա Պետրոսյանը Պառլամենտական ընդդիմությունը ձայն չի հանելու կամ մարմնաշարժություններ է անելու`իբր դեմ է․ Պետրոսյան «Եհովայի վկաներ» կազմակերպության հայաստանյան գրասենյակը բացահայտում է մարզահամերգայինում տեղի ունեցած համաժողովների նպատակը