«Հայաքվե»-ն ինչպես Արցախը «փրկեց», այնպես էլ որոշել է թոշակառուներին «փրկել»

Տարբեր քաղաքական գործիչներ, նախաձեռնություններ որքան մոտենում են խորհրդարանական ընտրություններն, այնքան ավելի մեծ ակտիվությամբ են սկսում մարդկանց մոլորեցնել՝ իրենց ֆանտաստիկ առաջարկներով: Հավանաբար, այն հույսով, որ, ինչպես իմաստուն ժողովուրդը կասեր, «իրենց գյուղից մարդ չկա»: Այսինքն՝ ոչ ոք չի հիշի, թե ով ով էր ընդամենը երեկ:

«Հայաքվե» նախաձեռնությունը, որը համակարգում է ԱՎԵՏԻՔ ՉԱԼԱԲՅԱՆԸ, հիմա էլ փողոցներում ստորագրահավաք է իրականացնում՝ պահանջելով թոշակների 50 տոկոս բարձրացում:

«Միասին կկազմենք հանրագիր ու կդիմենք կառավարություն` թոշակները բարձրացնելու պահանջով», - հորդորում են «Հայաքվե»-ականները:

Իհարկե, գայթակղիչ նախաձեռնություն է թոշակառուների համար, բայց դրա ՕԳԳ-ն որքա՞ն է, երբ դիմելու են մի կառավարության, որի ղեկին նստած Փաշինյանն ասում է. «Թոշակառուների թոշակը ամսական 11 հազար դրամով կամ 10 հազար 400 դրամով ավելացնենք. ի՞նչ է անելու թոշակառուն։ Ինչի՞ վրա է ծախսելու։ Ինչո՞ւ նրանց գումար տալ, որ անարդյունավետ ծախսեն»։ Բայց, անգամ հարցը սա էլ չէ:

Հիշո՞ւմ եք, որ «Հայաքվե» նախաձեռնությունն Արցախի համար ամենաճակատագրական օրերին զբաղված էր մարդկանց «գլխի տակ փափուկ բարձ դնելով» եւ ստորագրահավաք իրականացնելով: Ավելին՝ մարդիկ ստորագրելու համար ֆիկտիվ թղթի կտոր, բայց անունով վկայական էին ստանում, տեղադրում սոցցանցերում, թե բա՝ Արցախը երբեք չի լինելու Ադրբեջանի կազմում: Այն իրենից ենթադրում էր Քրեական օրենսգրքում լրացումներ կատարելու նախագիծ, համաձայն որի` ՀՀ անունից Արցախը որեւէ այլ պետության կազմում ճանաչելը, Հայոց ցեղասպանության ճանաչումից հրաժարվելը կամ դրա վտանգավորությունը նսեմացնելը պատժվում է ազատազրկմամբ՝ 10-15 տարի ժամկետով: Հուզիչ ձեւակերպում, բայց մի բան, որը պարզ է՝ Ազգային ժողովում, որտեղ մեծամասնություն է ՔՊ-ն, երբեք չէր անցնելու: Թեպետ անցնելու դեպքում էլ ֆանտաստիկայի ժանրից է, որ այդ օրինագծով որեւէ օգուտ կարող էր լինել Արցախին՝ անգամ եթե թղթե «սամալյոտիկներ» սարքեին մարդկանց բաժանած վկայականներից ու ներկայացնեին՝ իբրեւ անօդաչու թռչող սարք:

Եվ հիմա ինչպես Արցախը «փրկեցին», այնպես էլ նույն մեթոդով որոշել են փրկել մեր տատիկ-պապիկներին. խաղալ մարդկանց էմոցիաների հետ, փիառվել, հավաքել ընտրողների տվյալների բազա եւ վերջ: Ո՞վ է պահանջելու «Հայաքվե»-ից արդյունք, չէ՞ որ արդեն քչերն են հիշում, որ Երեւանի կենտրոնում ոմանք սերտիֆիկատներով Արցախ էին փրկում:

ՀՐԱՆՏ ՍԱՐԱՖՅԱՆ

Այս թեմայով Ի՞նչ տվյալներ են հավաքվելու, ո՞վ է ունենալու դրանց հասանելիություն․Բացառիկ զրույց հայտնի իրավապաշտպանի հետ՝ IMEI կոդերի միասնական շտեմարանի մասին Ինչպես է «Հայաքվեն» սոցօգնությունները «ծախել» միայնակ արցախցիների վրա Ձերբակալել են Չալաբյանին Տեղը չի գտնում, բայց «զադնի» էլ չի կարա էլ դնի. Թաթոյանը մանթո է ՎԵՆԵՏԻԿՈՒՄ ԲԱՑՎԵԼ Է ՀՈՒՇԱՔԱՐ ՆՎԻՐՎԱԾ ԱՎԵՏԻՔ ԻՍԱՀԱԿՅԱՆԻ ԾՆՆԴՅԱՆ ՀՈԲԵԼՅԱՆԱԿԱՆ 150֊ԱՄՅԱԿԻՆ