Դուք մանիպուլացնում եք․ Ինչո՞ւ են ընդդիմադիրները շարունակում լեգիտիմացնել Փաշինիյանին՝ հարցը նյարդայնացնում է քաղաքական ընդդիմությանը

Հասարակությանը շարունակում է հետաքրքրել մեկ պարզ հարց․ ի՞նչ իմաստ ունի պահել ընդդիմադիրների մանդատները, եթե ընդդիմությունը զրո ազդեցություն ունի քաղաքական որոշումների վրա, եթե նրանք բառի բուն իմաստով միայն ծեծվում, նվաստանում ու ծաղրի առարկա են դառնում, բայց դրանով հանդերձ  լեգիտիմացնում են Փաշինյանի իշխանությունը։ Այս եւ առհասարակ Փաշինյանի նշած գանձերի հետագա գործողությունների մասին զրուցել ենք ՀՀ ԱԺ «Հայաստան» դաշինքի պատգամավոր Թադևոս Ավետիսյանի հետ, ով բավականին բուռն արձագանքեց 

- Նախ մանդատները դնելով որեւէ քաղաքական ճգնաժամ չի հասունանա, իսկ մենք ավելի մեծ հնարավորություն կտանք իշխանություններին առանց ընդդիմություն պառլամենտում գործել եւ իրենց ավերածությունները ավելի մեծ չափերով բերել։ Մենք տարիներ շարունակ այդ մասին կոնկրետ փաստարկներ բերել ենք, այնպես որ այդ մեղադրանքները մեզ համար առ ոչինչ են։ Ինչ վերաբերում է ի՞նչ ենք անում պառլամենտում այսօր, ապա այստեղ էլ է պատասխանը շատ պարզ․ մեզ ընտրած հազարավոր քաղաքացիների առաջ պարտավորություններ ենք ստանձնել, որ այդ խնդիրները բարձրաձայնենք եւ հակադրենք իշխանության թեզերին եւ մանիպուլյացիաներին։ Եվ հենց հարցու-պատասխանների ժամանակ է, որ բացահայտվում է իշխանությունների թաքուն ծրագրերը, բարձրաձայնվում են մարդկանց կոնկրետ խնդիրներ ՝ սոցիալականից մինչեւ առողջապահական։ Եվ սա եւս ընդդիմադիր պատգամավորի պարտավորությունն է եւ գործառույթը։ Մենք այս ողջ ընթացքում պայքարի առիթ եւ հնարավորություն բաց չենք թողնել, որպեսզի առաջ տանենք մեր հիմնական նպատակը։ Այն է այս իշխանությունները հնարավորություն չունենան նոր փորձանքներ եւ վտանգներ բերեն մեր երկրի համար։ Այո, մենք չենք հաջողել, եւ այդ չհաջողելու մեջ մենք մեր մեղքն ունենք, բայց մեղադրել, որ ոչինչ չենք անում կամ համակերպվում ենք՝ դրա հետ բացարձակ համաձայն չեմ։

-Պարոն Ավետիսյան, ինքներդ շատ ճիշտ նշեցիք, որ հարյուր հազարավոր քաղաքացիներ հույսները կապել էին հենց Ձեր քաղաքական ուժի հետ, բայց Դուք փաստացի խոստովանեցիք, որ չեք արդարացրել նրանց ակնկալիքները։ Ուրեմն այսքանից հետո, որքանո՞վ է բարոյական կրկին ակնկալել նույն քաղաքացիների վստահության քվեն Ձեր քաղաքական ուժին։

-Ձեր հարցադրումը ընդհանրապես տեղին չէ, որովհետեւ Ձեր գնահատումները իրականության հետ այդքան էլ աղերս չունեն։

-Հատկապես, որ գնահատումները։

-Այն մասը, որ Դուք ասում եք բացարձակ մեծամասնությունը հիասթափված է եւ այլն․․․

-Լավ, եթե այդպես չէ, ուրեմն որտե՞ղ են այն հարյուր հազարավոր քաղաքացիները, երբ Դուք փողոց եք դուրս գալիս։

-Դուք հիմա մանիպուլացնում եք, որովհետեւ պարտադիր չէ, որ մեզ ընտրած բոլոր քաղաքացիները գան մեր կազմակերպած ակցիաներին։ Երկրորդ, այո մենք որպես քաղաքական ընդդիմություն քանի դեռ չենք հեռացրել իշխանություններին, որի համար քվե ենք ստացել՝ պարզ է, որ մեր նատակը կյանքի կոչված չէ։ Բայց որ ասել դրա ամբողջական պատճառը ընդդիմության ոչինչ չանելն է կամ ընդդիմադիրների համակերպվելն է ՝ դրան բացարձակ համաձայն չեմ։ Քվե կտան, թե ոչ դա ցույց կտա ամիսներ անց ժողովրդի ձայնը, բայց բազմաթիվ սոցիալական հարցումներ կան, որ մարդիկ մեզ, մեր ուժին վստահում են, դա չի նշանակում, որ եր ուժի հանդեպ չա նաեւ որոշակի հիասթափություն։ Բայց մենք ինքներս բազմաթիվ փորձեր իրականացրել ենք մեր նպատակին հասնելու համար, բայց արդյունքի չենք հասել, բայց նաեւ դա չի նշանակում, որ չեն եղել միջանկյալ արդյունքեր։ Մեր պայքարը այսօր էլ շարունակվում է, առջեւում համապետական ընտրություններ են, մտնում ենք պայքարի նոր փուլ եւ հույս ունենք այս անգամ կհասնենք վերջնական նպատակին եւ մեր հանրությունը դրան ականատես կլինի։

-Նույն խոստումները տրվում էին նախորդ ընտրություններին, հիմա որտեղի՞ց վստահություն, որ այս անգամ կհաջողեք, նոր գործիքակազմեր ե՞ք մշակել, եթե այո՝ կկիսվե՞ք։

- Հանգուցալուծումը կարծում եմ կլինի համապետական ընտրություններով, դրա բոլոր հնարավորությունները կան եւ այս իրավիճակումը ընդդիմությունը համախմբելու, իրենց ներքաղաքական շահերը մի կողմ դնելու նպատակին ուղղված գործիքակազմ պետք է մշակի։ Եվ այստեղ նոր հեծանիվներ հայտնաբերելու բան չկա, համախմբում է պետք, առանց ներքաղաքական ամբիցիաներ եւ ներքաղաքական նպատակներ առաջ մղելու՝ մանավանդ որ այդ հնարավորությունը ակնհայտ առկա է։

-Իսկ Ձեր քաղաքական լիդերը՝ ՀՀ երկրորդ նախագահը պատրա՞ ստ է իր քաղաքական ամբիցիաները մի կողմ դնել։

-Առնվազն հույս ունեմ, որ բոլոր քաղաքական առաջնորդները այս համոզումը ունեն եւ ոչ միայն նրա համար, որ օբյեկտիվ իրավիճակն է այդպիսին այլ նաեւ նրա համար, որ բոլորն էլ գիտակցում են, որ  միայնակ հնարավոր չի լինելու իշխանափոխության հասնելու։ Այսքանը կարող եմ ասել։

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը