«Պեպո»-ն՝ Արամ Խաչատրյանի տուն-թանգարանում

Արամ Խաչատրյանի տուն-թանգարանում տեղի ունեցավ «Պեպո 90» խորագրով ժամանակավոր ցուցադրության բացումը՝ նվիրված հայկական առաջին հնչյունային ֆիլմի ստեղծման 90-ամյակին:

Բացման խոսքով հանդես եկան Ա. Խաչատրյանի տուն-թանգարանի տնօրեն՝ Արմինե Գրիգորյանը, Ե. Չարենցի անվ. գրականության և արվեստի թանգարանի տնօրեն՝ Սյուզաննա Խոջամիրյանը, կինոգետներ՝ Գարեգին Զաքոյանը և Արծվի Բախչինյանը:

Տիկին Արմինե Գրիգորյանը ներկայացրեց նաև «Պեպո» ֆիլմի հոբելյանի առթիվ Ա.Խաչատրյանի տուն-թանգարանի հրատարակած Պեպոյի երգի նոտաները:

Ցուցահանդեսի բացմանը համերգային ելույթով հանդես եկան սիրված երաժիշտներ Արթուր Աղաջանովը /վոկալ/ և Նունե Մելիք-Վրթանեսյանը /դաշնամուր/:

Մեկ ամիս շարունակ Արամ Խաչատրյանի տուն-թանգարանի այցելուները հնարավորություն ունեն ծանոթանալու «Պեպո» ֆիլմի ստեղծմանն առնչվող Ա. Խաչատրյանի տուն-թանգարանի և Ե. Չարենցի անվ. գրականության և արվեստի թանգարանի արխիվային նյութերին, ինչպես նաև՝ Տերյան մշակութային կենտրոնի՝ «Պեպոն 21-րդ դարում» թեմայով ստեղծված հեղինակային հանդերձանքների հավաքածուին:

Տուն-թանգարանի կինոսրահում այցելուները կարող են դիտել «Պեպո» ֆիլմը:

Այս թեմայով «Ժողովուրդ». Պապիկյանի նախկին խորհրդականին բանտից տուն են ուղարկել «Ժողովուրդ». Քննիչներն ու դատավորները տուն գնալ չեն հասցնում էրեխուն ծեծելով տարան, ախպորս շորերը քաշքշեցին, սաղին հավաքեցին, ոստիկանները տարան, խիղճ ունե՞ն Ռուսաստանից վերադառնալուց հետո ԿՀՎ տնօրենը զեկուցով ներկայացավ Սպիտակ տուն ՀՐԱՏԱՊ. Լևոն Քոչարյանի տուն դիմակավորված ուժայիններ են ներխուժել և խուզարկություն են կատարում